މިޔަރެއްގެ ހަމަލާއިން ޒަހަމްވި ޒުވާން ސިފައިންގެ މީހަކު ނިޔާވެއްޖެ
މިޔަރެއްގެ ހަމަލާއިން ޒަހަމްވި ޒުވާން ސިފައިންގެ މީހަކު ނިޔާވެއްޖެ އެވެ.
Ads by MWSC
މި ކަން ދިމާވީ ލ. ކައްދޫގައި ކުރިއަށް ދިޔަ އެމްއެންޑީއެފް ޓްރެއިނިނެއްގެ ތެރެއިން އެ ޒުވާނާ މޫދަށް އެރި އުޅެނިކޮށެވެ.
އެއީ ރ. އުނގޫފާރަށް ނިސްބަތްވާ މުހައްމަދު ޒައިދާން ނަމަކަށް ކިޔާ ޒުވާނެކެވެ. އޭނާގެ އުމުރުން 23 އަހަރެވެ.
ހަށިގަނޑުގެ ބޮޑު ބައެއް ޒަހަމްވި ކަމަށް މައުލޫމާތު ލިބެ އެވެ.
އޭނާ ނިޔާވީ ލ. ގަން ރީޖަނަލް ހޮސްޕިޓަލަށް ގެންގޮސް އެ ހޮސްޕިޓަލުގައި ފަރުވާ ދެމުން ދަނިކޮށެވެ. އޭނާ ނިޔާވީ ރޭގަނޑު 8:40 ހާއިރު ކަމަށް ހޮސްޕިޓަލް ޑިރެކްޓަރު އަބްދުއްހަންނާން އަބްދުއްރަހީމް ވިދާޅުވި އެވެ.
އެމްއެންޑީއެފުން ބުނީ މިޔަރެއް އޭނާއަށް ހަމަލާ ދިނީ ލ. މާވަށް ކައިރީ މޫދުގައި ސިފައިންގެ ތަމްރީނުގެ ބައެއް ކުރިއަށް ދަނިކޮށެވެ.
Ads by Allied Insurance
