ޕަންޖާބުގައި އިންޓަރނެޓް ވަގުތީ ގޮތުން މެދުކަނޑާލަނީ
ޕަންޖާބު ސަރުކާރުން އިންޓީރިއާ މިނިސްޓްރީގައި އެދިފައި ވަނީ ފިތުނަފަސާދައިން ސަލާމަތްވުމަށް ޓަކައި ނަފްރަތު އުފެދޭ މާއްދާތަކާއި ދޮގު މައުލޫމާތު ފެތުރުން ކޮންޓްރޯލް ކުރުމުގެ ގޮތުން މުހައްރަމް 6 އިން 11 އަށް އިންޓަނެޓުގައި ސޯޝަލް މީޑިއާ އެޕްލިކޭޝަންތައް ބަންދުކުރުމަށެވެ.
އާޝޫރާގެ މައްޗަށް އިންޓަނެޓް މެދުކަނޑާލުމާއި މޯބައިލް ޖެމް ކުރުމުގެ އާދައިގެ ފިޔަވަޅުތަކުގެ ބޭރުން ކުރިއަށް ދިއުމަށް ޕްރޮވިންސް ސަރުކާރުން ނިންމީ ނަފްރަތުގެ ކޮންޓެންޓާއި މީމްތައް ހިއްސާ ކުރުމުގައި ބޯޑަރު ހުރަސްކޮށް ތިބި ފަރާތްތައް ހިމެނޭ ގޮތަށް "ބޭރުގެ ބާރުތައް" ބައިވެރިވާ ކަމުގެ މައުލޫމާތު ލިބުމާ ގުޅިގެން ކަމަށް އެ ކަމާ ގުޅުން ހުރި މަސްދަރުތަކުން ބުނެ އެވެ.
ސްޓޭންޑިން ކޮމިޓީ އޮފް ކެބިނެޓް އޮން ލޯ އެންޑް އޯޑާ (އެސްސީސީއެލްއޯ) އާއި ޕަންޖާބު ހޯމް ޑިޕާޓްމަންޓުން ވެސް ދެކޭ ގޮތުގައި އިންޓަނެޓް ބަންދުކުރުމުން އާންމުންނަށް ދަތިތަކެއް ކުރިމަތިވާ އިރު، އެންމެ ގިނަ ދޮގު މައުލޫމާތާއި ނަފްރަތު އުފެދޭ ވާހަކަތައް ފެތުރުނީ ސޯޝަލް މީޑިއާ އެޕްލިކޭޝަންތައް މެދުވެރިކޮށެވެ.
މިދިޔަ ބުރާސްފަތި ދުވަހު އެސްސީސީއެލްއޯގެ ބައްދަލުވުމަށްފަހު ހޯމް ޑިޕާޓްމަންޓުން އިންޓީރިއާ މިނިސްޓްރީގެ ސެކްރެޓަރީއަށް ފޮނުވި ސިޓީގައި އެދިފައި ވަނީ "ނަފުރަތު އުފެދޭ ތަކެއްޗާއި ދޮގު މައުލޫމާތު ކޮންޓްރޯލް ކުރުމަށާއި ދީނީ ހަމަނުޖެހުންތަކުން ސަލާމަތްވުމަށް ޓަކައި މުހައްރަމް 6 އިން 11 އަށް މުޅި ޕްރޮވިންސްގައި ސޯޝަލް މީޑިއާ ޕްލެޓްފޯމްތައް ކަމަށްވާ ފޭސްބުކް، ވަޓްސްއެޕް، އިންސްޓަގްރާމް، ޔޫޓިއުބް، ޓްވިޓާ، ޓިކްޓޮކް ފަދަ ޕްލެޓްފޯމްތައް ސަސްޕެންޑް ކުރުމަށެވެ.
ޕަންޖާބު ސަރުކާރުން މިފަހަރު ނިންމާފައި ވަނީ ސުލްހަ މަސަލަސްކަން ގެއްލުވާލުމުގެ މަގުސަދުގައި ހިންގާ ހަރަކާތްތައް ހުއްޓުވުމަށް ބޭރުގެ ނިންމުމެއް ކަމަށްވާތީ، ހޯމް ޑިޕާޓްމަންޓުން އުއްމީދު ކުރަނީ މުޙައްރަމްގައި ސުލްހަ މަސަލަސްކަން ގާއިމުކުރުމަށް އިންޓީރިއާ މިނިސްޓްރީން އަވަސް އިޖާބަ ދޭނެ ކަމަށެވެ.
