ހުޅުމާލޭގައި 12 ފަންގިފިލާގެ ދާރުއްސަލާމެއް އަޅައިދޭނެ ބަޔަކު ހޯދަން އިއުލާންކޮށްފި
ހުޅުމާލޭގައި ވަގުފު އިމާރާތް ނުވަތަ ދާރުއްސަލާމަށް 12 ފަންގިފިލާގެ އިމާރާތެއް އަޅައިދޭނެ ބަޔަކު ހޯދަން އިސްލާމިކް މިނިސްޓްރީން މިއަދު އިއުލާންކޮށްފި އެވެ.
މިނިސްޓްރީގެ އިއުލާނުގައިވާ ގޮތުން މި މަސައްކަތް ކުރިއަށް ދަނީ ކޮންޓްރެކްޓާ ފައިނޭންސް އުސޫލުންނެވެ.
އެ ކަމަށް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ފުރަތަމަ ރަޖިސްޓްރީކުރަން ޖެހެ އެވެ. ރަޖިސްޓްރީކުރަން ސުންގަޑިއަކީ މި މަހުގެ 26 ވަނަ ދުވަހުގެ ހެނދުނު 10:00 ޖަހާއިރެވެ. ސުންގަޑީގެ ކުރިން އެ ކަމަށް ކަނޑައެޅިފައިވާ އޮންލައިން ފޯމު މެދުވެރިކޮށް ރަޖިސްޓްރީ ކުރުމަށް އެދެ އެވެ.
މި ކަމަށް ޕްރޮޕޯސަލް ހުށަހެޅުމުގެ ފުރުސަތު ރާއްޖޭން ބޭރުގެ ފަރާތްތަކަށް ވެސް އޮތް ކަން މިނިސްޓްރީގެ އިއުލާނުގައި ފާހަގަކޮށްފައިވެ އެވެ.
ޕްރޮޕޯސަލް ހުށަހެޅުމުގެ ޕްރީބިޑް މީޓިން އޮންނާނީ މި މަހުގެ 26 ވަނަ ދުވަހުގެ 11:00 ޖަހާއިރު އިސްލާމިކް މަރުކަޒުގައި ކަމަށް މިނިސްޓްރީން ބުންޏެވެ. މަަސައްކަތުގެ މައުލޫމާތު ކަރުދާސް ބިޑަށް ރަޖިސްޓްރީކުރާ ހުރިހާ ފަރާތަކަށް ޕްރީބިޑް މީޓިންއަށް ފަހު މެއިލް ކުރާނެ ކަމަށް ވެސް ބުންޏެވެ.
