83 ޕަސެންޓްގެ މަސައްކަތް ނިންމުމަށް ފަހު މަޖިލިސް ޗުއްޓީއަށް

ރައްޔިތުންގެ މަޖިލީހަށް ހުށަހެޅިފައިވާ މަސައްކަތުގެ 83 ޕަސެންޓް ނިންމުމަށް ފަހު، 20 ވަނަ ރައްޔިތުންގެ މަޖިލީހުގެ ފުރަތަމަ ދައުރު މިރޭ ނިންމާލައި ޗުއްޓީއަށް ގޮސްފި އެވެ.

Ads by Hajj Corporation

މަޖިލީހުން ހިއްސާކުރި ތަފާސްހިސާބުތަކުގައިވާ ގޮތުން މަޖިލީހަށް 23 ބިލެއް ހުށަހެޅި އޭގެ ތެރެއިން 11 ބިލެއްގެ މަސައްކަތް ވަނީ ނިންމައިފަ އެވެ.

އެއް ގަރާރު ހުށަހެޅުނު އިރު އެ ގަރާރުގެ މަސައްކަތް ނުނިމެ އެވެ.

ސަރުކާރުން ނުވަ މައްސަލައެއް ހުށަހެޅިިއިރު އެ ހުރިހާ މައްސަލައެއްގެ މަސައްކަތް ނިންމި އެވެ. ރިޔާސަތުން 13 މައްސަލައެއް ހުށަހެޅިއިރު އެ 13 މައްސަލަ ނިންމި އެވެ.

އެހެނިހެން ނުވަ މައްސަލަ ހުށަހެޅި އެ ހުރިހާ މައްސަލައެއް ނިންމި އެވެ. ކުއްލި މައްސަލައިގެ ގޮތުގައި ނުވަ މައްސަލައެއް ނިންމި އެވެ.

މި ދައުރުގައި ޖުމުލަ 33 ޖަލްސާއެއް ބާއްވައި 75 ގަޑިއިރު އެ ޖަލްސާތަކަށް ހޭދަކުރި އެވެ.