ރިސޯޓް ހަދަން ހުޅުވާލި ލިސްޓަށް ބަދަލެއް، ދެ ރަށާއި ފަޅެއް އުނިކޮށް އެއް ރަށް އިތުރުކޮށްފި
ރިސޯޓު ހެދުމަށް ޓުއަރިޒަމް މިނިސްޓްރީން މިދިޔަ މެއި މަހު 30 ވަނަ ދުވަހު ހުޅުވާލަން ކުރި އިއުލާނުގައިވާ ރަށްރަށުގެ ލިސްޓަށް ބަދަލެއް ގެނައި ކަން މިއަދު އިއުލާންކޮށްފި އެވެ.
ޓުއަރިޒަމް މިނިސްޓްރީން މިއަދު ކުރި އިއުލާނުގައި ބުނާ ގޮތުން ކުރީގެ ލިސްޓުން އުނިކުރި ތިން ތަނަކީ ވ. އަތޮޅުން ރިސޯޓު ހަދަން ކުއްޔަށް ކަނޑައެޅި ފަޅާއި ޅ. ވިހަވަރު ފިނޮޅާއި ލ. ހަންހުއްޓެވެ.
ލިސްޓަށް އިތުރު ކުރަން ނިންމި ރަށަކީ ރ. ޅާނބުގަލި އެވެ. އެއީ 2.66 ހެކްޓަރުގެ ރަށެކެވެ. އެ ރަށުގެ އެކިއުޒިޝަން ކޮސްޓްގެ ގޮތުގައި ނިންމީ 1.65 މިލިއަން ޑޮލަރެވެ.
މި ގެނައި ބަދަލާއެކީ މިހާރު ލިސްޓުގައިވާ ތަންތަނަކީ؛
-
ހދ. ވައިކަރަމުރައިދޫ - 15 ހެކްޓަރުގެ ބިން؛ 1.9 މިލިއަން ޑޮލަރު
-
ށ. ކުޑަޅައިމެންދޫ - 13.11 ހެކްޓަރުގެ ބިން؛ 2 މިިލިއަން ޑޮލަރު
-
ރ. ދިއްކުރެއްދޫ - 4.83 ހެކްޓަރުގެ ބިން؛ 2.6 މިިލިއަން ޑޮލަރު
- ރ. ޅާނބުގަލި - 2.66 ހެކްޓަރު، 1.65 މިލިއަން ޑޮލަރު
-
ޅ. ދިއްފުށި (ޅ. މައިދޫއާ އެކު) - 15.17+20.99 ހެކްޓަރު؛ 18.6 މިލިއަން ޑޮލަރު
-
ޅ. ވިހަފަރުފިނޮޅު - 0.28 ހެކްޓަރު؛ 640،000 ޑޮލަރު
-
ކ. ހިއްމިއްޔާ ފަޅު - 712 ހެކްޓަރު؛ 23.5 މިލިއަން ޑޮލަރު
- ކ. އަތޮޅުގެ ފަޅެއް - 45 ހެކްޓަރު؛ 11 މިލިއަން ޑޮލަރު
-
އއ. އަލިކޮއިރަށް - 1.47 ހެކްޓަރު؛ 1.3 މިލިއަން ޑޮލަރު
-
ތ. ގާލީ (އެ އަތޮޅުގެ އެހެން ރަށަކާ އެކު) - 6.96 އާއި 0.20 ހެކްޓަރު؛ 2 މިލިއަން ޑޮލަރު
-
ތ. ރުއްތިބިރަށް - 8.41 ހެކްޓަރު؛ 2.4 މިލިއަން ޑޮލަރު
-
ތ. ކަނިމީދޫ - 10 ހެކްޓަރު؛ 2.8 މިލިއަން ޑޮލަރު
-
ލ. ކަށިދޫ - 3.11 ހެކްޓަރު؛ 466،500 ޑޮލަރު
-
ލ. ބޮޑުމުންޏަފުށި - 3.14 ހެކްޓަރު؛ 471،000 ޑޮލަރު
-
ލ. ހަންހުށި - 2.81 ހެކްޓަރު؛ 421،500 ޑޮލަރު
-
ގއ. ބޭރުމައުޑޫ - 3.08 ހެކްޓަރު؛ 385،000 ޑޮލަރު
-
ގދ. ކަޅެހުއްޓާ - 7.61 ހެކްޓަރު؛ 951،250 ޑޮލަރު
އިތުރު މަޢުލޫމާތު ބޭނުންވާނަމަ ޓޫރިޒަމް މިނިސްޓްރީގެ އީމެއިލް [email protected] އަށް އީމެއިލް ކުރައްވައިގެން ސާފުކުރުމަށް އެދެ އެވެ. އަދި ޕްރޮޕޯސަލް ފޯމު މިނިސްޓްރީގެ ވެބްސައިޓުން ލިބެން ހުންނާނެ ކަމަށް ބުނެފައިވެ އެވެ.
Ads by STO
