އޭ ލެވެލް އިމްތިހާނުގެ ލޭޓް އެންޓްރީގެ އެޕްލިކޭޝަން ހުށަހެޅުމަށް ހުޅުވާލައިފި
މި އަހަރުގެ ސެޕްޓެންބަރު އަދި އޮކްޓޯބަރު މަހު ކުރިއަށް ގެންދާ އެޑެކްސެލް އޭ ލެވެލް އަދި އެޗް.އެސް.ސީ އިމްތިހާނުގެ ލޭޓް އެންޓްރީގެ އެޕްލިކޭޝަން ހުށަހެޅުމަށް ދެވަނަ ފަހަރަށް ހުޅުވާލައިފި އެވެ.
ސަރުކާރުގެ އެކި ވުޒާރާތަކުން ކުރަމުންދާ މަސައްކަތްތައް ޝާއިއުކުރާ "ސަރުކާރު" ވެބްސައިޓުގައިވާ ލިޔުމެއްގައި ޑިޕާޓްމަންޓް އޮފް ޕަބްލިކް އެގްޒަމިނޭޝަނަށް ހަވާލާދީ ބުނެފައިވަނީ ލޭޓް އެންޓްރީ އެޕްލިކޭޝަން ހުށަހެޅުމުގެ ސުންގަޑިއަކީ އަންނަ ބުރާސްފަތި ދުވަހުގެ މެންދުރު 12:00 އެވެ.
އެޕްލިކޭޝަން ފޯމް, ޑިޕާޓްމަންޓް އޮފް ޕަބްލިކް އެގްޒޭމިނޭޝަންސްގެ ކައުންޓަރުން ލިބެން ހުންނާނެ އެވެ. އެ ތަނުގެ އެޑްރެސްއަކީ ހ.އަސްރަފީވިލާ، ދެވަނަ ފަންގިފިލާ، މަޖީދީމަގެވެ.
އޮންލައިންކޮށް އެޕްލިކޭޝަން ހުށަހަޅާނަމަ މެއިލް ކުރާނީ [email protected] އަށެވެ. އަދި ފައިސާ ބަލައިގަތުމުގެ އިންތިޒާމް ހަމަޖެހިފައިވަނީ ބަނޑޭރި ޕޭ ޕޯޓަލް މެދުވެރިކޮށެވެ.
Ads by STO
