ނިކުމެ އުޅޭ މީހުން ނުހުއްޓުވަނީ ޑޮކްޓަރުންނަށްވުރެ މޮޅަށް ސިފައިންނާއި ފުލުހުންނަށް އެނގޭތީތޯ: މޫސަ
ކޮވިޑް-19އާ ގުޅިގެން ބޭރަށް ނިކުމެ އުޅޭ މީހުން ފުލުހުންނާއި ސިފައިން ނުހުއްޓުވަނީ ޑޮކްޓަރުންނަށްވުރެ މޮޅަށް އެ މީހުންނަށް އެނގޭތީތޯ ކުރީގެ މަޖިލީހުގެ ނައިބް ރައީސް މޫސާ މަނިކު ސުވާލު އުފައްދަވައިފިއެވެ.
މޫސަ ކުރެއްވި ޓްވީޓެއްގައި ވިދާޅުވީ ދުނިޔޭ ހުރިހާ ސިޓީތަކެއްހެން މީހުން ނުކުމެ އުޅުން މަނާ ކުރި އިރުވެސް ރާއްޖޭގެ ޑޮކްޓަރުން އެކަން ކުރުމަށް ރޮއެ އާދޭސްކުރަމުންދާ ކަމަށެވެ.
"އެކަމަކު ސިފައިންނާ ފުލުހުން ނުކުމެ މިކަން ނުހުއްޓުވަނީ ޑޮކްޓަރުންނައްވުރެ ފުލުހުންނާ ސިފައިންނަށް މިކަން މޮޅަށް އެނގެނީތަ." މޫސަ ވިދާޅުވިއެވެ.
ދުނިޔޭ ހުރިހާ ސިޓީތަކެއްހެން މީހުން ނުކުމެ އުޅުން މަނާ ކުރީ
މިތާނގަ ޑޮކްޓަރުންރޮއެ އާދޭސްކުރަނީ. އެކަމަކު ސިފައިންނާ ފުލުހުން ނުުުކުމެ މިކަން ނުހުއްޓުވަނީ ޑޮކްޓަރުންނައްވުރެ ފުލުހުންނާ ސިފައިން ނަށްމިކަން މޮޅަށް އެނގެނީތަ
ަ— Reekomoosa (@ReekoMoosa) March 25, 2020
މޫސަ މިހެން ވިދާޅުވި ނަމަވެސް ގައުމެއް ނުވަތަ ސިޓީއެއް ލޮކްޑައުން ކުރުމަކީ ގާނޫނުގައިވާ ގޮތުން ފުލުހުންނާއި ސިފައިންނަށް ލިބިގެންވާ ބާރެއް ނޫނެވެ. އެ ބާރު ލިބިގެންވަނީ ރައީސުލްޖުމޫހުރިއްޔާ އަށެވެ.
Ads by STO
