ކޮވިޑް-19 އަށް ފައްސިވި ދިވެހި މީހާއާ ކޮންޓެކްޓުވި މީހުން ހޯދަނީ

ރާއްޖެއިން ކޮވިޑް-19 އަށް ފައްސި ވި މީހާއާ ކޮންޓެކްޓްވި މީހުން ހޯދަމުންދާ ކަމަށް ހެލްތް މިނިސްޓަރ އަބްދުﷲ އަމީން ވިދާޅުވެއްޖެއެވެ.

Ads by Hajj Corporation

ރާއްޖެއިން ކޮވިޑް-19 އަށް ފައްސިވެފައި ވަނީ، އިނގިރޭސިވިލާތުން ރާއްޖެ އައި 38 އަހަރުގެ މީހެކެވެ. އޭނާ މި މަހުގެ 22 ވަނަ ދުވަހު ރާއްޖެ އައި ގޮތަށް ހުރީ ހޮލިޑޭ އައިލެންޑް ރިސޯޓްގައި ކަރަންޓީންކޮށްފައެވެ.

އަމީން ވިދާޅުވީ، އޭނާގެ ކޮންޓެކްޓް ޓްރޭސިންގެ ތެރެއިން އޭނާއާ ބަޔަކު ކޮންޓެކްޓްވިތޯ ވެސް ނުވަތަ ނޫންތޯ ވެސް ބެލޭނެ ކަމަށެވެ.

އެގޮތުން އޭނާއާ އެއާޕޯޓުން މީހަކާއި ބައްދަލުވިތޯ، ބައްދަލުވި މީހުންނަކީ ކޮބައިތޯ، އޭނާގެ ޓްރާންސްފާ ކުރުމުގެ ތެރޭގައި ބައްދަލުވި މީހުންނަކީ ކޮބައިތޯ އަދި ލޯންޗް ތެރެއިން އޭނާއާ ބައްދަލުވި މީހުންނަކީ ކޮބައިތޯ ބަލާނެ ކަމަށެވެ.