ކޮވިޑް-19: މާލޭގައި 61 މީހަކު ގޭގައި އެކަހެރިކޮށްފައި
މާލޭގައި ގޭތަކުގައި 61 މީހަކު އެކަހެރިކޮށްފައި އެބަތިބި ކަމަށް ސަރުކާރުން ބުނެފިއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19ގެ ތަރުޖަމާނު މަބްރޫކް ޢަޒީޒް ވިދާޅުވީ މުޅި މުޖުތަމައުގެ ސަލާމަތަށްޓަކައި، ޝައްކުކުރެވޭ އަލާމާތްތަކެއް ފެނިގެން މަލޭގެ ގޭތަކުގައި 44 މީހަކު ކަރަންޓީންގައި ބައިތިއްބާފައިވާ ކަމަށެވެ. އޭގެތެރޭގައި ހިމެނެނީ 43 ދިވެއްސަކާއި އެއް ބިދޭސީއެކެވެ.
މީގެ އިތުރުމުން މާލޭގައި އެކަހެރިކޮށްފައި 13 ދިވެހިންނާއި، ހަތަރު ބިދޭސީން އެބަތިބި ކަމަށް ވެސް މަބުރޫކް ވިދާޅުވިއެވެ.
އޭނާ ވިދާޅުވީ މިގޮތަށް ގޭގޭގައި އައިސޮލޭޝަނާއި، ކަރަންޓީނުގައި ބައިތިއްބާފައިވާ މީހުން ކަމާބެހޭ ފަރާތްތަކުން ދެއްވާ އިރުޝާދުތަކަށް ތަބާވުމަކީ މުހިންމުކަމެއްކަމަށާ، ކަމާއިބެހޭ ފަރާތްތަކުން އަންގާ އެންގުންތަކަށް އަމަލުނުކުރާނަމަ އެފަރާތްތަކައިމެދު ޤާނޫނީ ގޮތުން އަޅަންޖެހޭ ފިޔަވަޅު އަޅަމުންދާނެކަމަށެވެ.
Ads by STO
