މާލޭގެ ގެސްޓު ހައުސްއެއްގައި މަރުވެފައި އޮތް ބިދޭސީއަކު ފެނިއްޖެ

މާލޭގެ ގެސްޓު ހައުސްއެއްގައި މަރުވެފައި އޮތް ބިދޭސީއަކު ފެނިއްޖެއެވެ.

Ads by Sosun Fihaara

ފުލުހުން ބުނީ ކާސިންޖީ މަގުގައި ހުރި އެ ގެސްޓުހައުސްގައި މީހަކު މަރުވެފައި އޮތް ކަމަށް ބުނެ ފުލުހުންނަށް ރިިޕޯޓުކޮށްފައި ވަނީ މިއަދު ހެނދުނު 9:10 ހާއިރު ކަމަށެވެ. މަރުވެފައި އޮއްވާ ފެނުނީ 33 އަހަރުގެ ބަންގްލަދޭޝް ފިރިހެނެއް ކަމަށް ފުލުހުން ބުންޏެވެ.

އެމީހާއަކީ މ. ކޮޅުފުށިން މާލެ އައި މީހެއް ކަމަށާއި އަދި އިއްޔެ އެމީހާގެ ބަނޑަށް ތަދުވާތީ ޑޮކްޓަރަށް ދައްކާފައިވާ ކަމަށް ފުލުހުން ބުންޏެވެ. އަދި މިއަދުވެސް އެމީހާ ޑޮކްޓަރަށް ދިއުމަށް ހަމަޖެހިފައިވާ ކަމަށް ވެސް ފުލުހުން ބުންޏެވެ.

މިކަމާ ގުޅިގެން ފުލުހުން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.