ކެމްބްރިޖުގެ މުގައްރިރަށް ފޮތްތައް ލިޔެދޭނެ ބަޔަކު ހޯދަން އިއުލާންކޮށްފި
ގައުމީ މަންޙަޖުގައި ހިމެނޭ ކީ-ސްޓޭޖު ހަތަރެއްގައި ހިމެނޭ ގްރޭޑް ނުވައެއް އަދި 10ގެ ކެމްބްރިޖު އިންތިހާނުގެ މުގައްރަރުތަކަށް ބޭނުންވާ ފޮތްތައް ލިޔެދޭނެ ބަޔަކު ހޯދަން އިއުލާންކޮށްފި އެވެ.
އެޑިއުކޭޝަން މިނިސްޓްރީން މިއަދު ކުރި އިއުލާންއެއްގައި ބުނީ އެ ފޮތްތައް ލިޔެ އަދި އެ ފޮތްތަކުގެ ޑިޖިޓަލް ކޮންޓެންޓް ތައްޔާރުކޮށްދޭނެ ފަރާތެއް ހޯދުމަށް ޕްރޮޕޯސަލް ހުށަހެޅުމުގެ ފުރުސަތު ޝަރުތު ހަމަވާ ހުރިހާ ފަރާތްތަކަށް ވެސް މިހާރު ހުޅުވާލައިފައިވާ ކަމަށެވެެ.
އެޑިއުކޭޝަން މިނިސްޓްރީން ބުނީ އެ މަސައްކަތްތަކަށް ޝައުގުވެރިވާ ފަރާތްތަކުން ފުރަތަމަ ހުށަހަޅަން ޖެހޭނީ ޓެކްނިކަލް ޕްރޮޕޯޒަލް ކަމަށެވެ. އަދި ފައިނޭންޝަލް ޕްރޮޕޯޒަލް ހުށަހަޅަން ފުރުސަތު ދެވޭނީ ޓެކްނިކަލް ޕްރޮޕޯޒަލްއިން އެންމެ މަތިން ޕޮއިންޓު ހޯދާ ފަރާތްތަކުގެ ތެރެއިން ޝޯޓް ލިސްޓް ކުރެވޭ ފަރާތްތަކަށް ކަމަށް ވެސް މިނިސްޓްރީން ބުނެފައި ވެއެވެ.
އެހެންވެ އެ މަސައްކަތް ކުރުމަށް ޝައުޤުވެރިވެލައްވާ ފަރާތްތަކުން އަންނަ މަހުގެ 13 ވަނަ ދުވަހުގެ ކުރިން ލިޔެކިޔުންތައް ހިމެނޭގޮތަށް ޓެކްނިކަލް ޕްރޮޕޯސަލް ހުށަހެޅުމަށް މިނިސްޓްރީން ވަނީ އެދިފަ އެވެ.
މިހާރު ގްރޭޑް ނުވައެއް އަދި 10ގެ ދަރިވަރުން ކެމްބްރިޖުގެ އިމްތިހާންތަކަށް ބޭނުންކުރަނީ ރާއްޖެއިން ބޭރުގެ ފަރާތްތަކުން ލިޔެފައިވާ ފޮތްތަކެވެ.
އެހެންވެ އެ ފޮތްތައް ގަންނަން ބޮޑު ހަރަދެއް ދައުލަތުން ކޮންމެ އަހަރަކުވެސް ހޭދަކުރަން ޖެހެ އެވެ.
ނަމަވެސް ދިވެހީން އެ ފޮތްތައް ލިޔުމުން ރާއްޖެއިން ބޭރުވާ އެތައް ފައިސާއެއް ސަލާމަތްކުރެވިގެންދާނެ އެވެ.
Ads by STO
