ނަދްރާ އޮފީހަށްވަދެ ދިން ހަމަލާގައި އަދިވެސް ފުލުހަކަށް ފަރުވާދެނީ
ނަދްރާ ރީގޯއިނަލް އޮފީހަށް ވަދެ ބަޑި ޖެހި ހަމަލާގައި އަނިޔާވި އޮފިސަރަށް އަދިވެސް ފަރުވާ ދެމުންދާ ކަމަށް ފުލުހުން ބުނެފި އެވެ
ޕަންޖްގުރް ޑިސްޓްރިކްޓްގައި ހަތިޔާރު އެޅި ހަމަލާއެއްގައި ނޭޝަނަލް ޑޭޓާބޭސް އެންޑް ރެޖިސްޓްރޭޝަން އޮތޯރިޓީ (ނަދްރާ)ގެ އޮފިޝަލަކު މަރާލައި އިތުރު މީހަކު ޒަހަމްކޮށްލާފައިވާ ކަމަށް ފުލުހުން ބުނެފި އެވެ.
ފުލުހުން ބުނީ ހަތިޔާރު އެޅި ބަޔަކު ޗަތިކަން ސަރަހައްދުގައި ހުންނަ ނަދްރާ ރީގޯއިނަލް އޮފީހަށް ވަދެ ބަޑި ޖަހާފައިވާ ކަމަށެވެ.
މި ހާދިސާގައި އެކަކު މަރުވެފައިވާއިރު، ޕަންޖާބުގެ ރަހީމް ޔާރް ޚާން ޑިސްޓްރިކްޓަށް ނިސްބަތްވާ އިތުރު އޮފިޝަލަކަށް ވަނީ އަނިޔާވެފައެވެ.
ބަޑީގެ ހަމަލާދިން ކަމުގެ މައުލޫމާތު ލިބުމާއެކު ފުލުހުން ވަނީ އެސަރަހައްދަށް ގޮސް ހަށިގަނޑުގެ އިތުރުން ޒަހަމްވި މީހުން ޕަންޖްގުރުގެ ޑިސްޓްރިކްޓް ހޮސްޕިޓަލަށް ބަދަލުކޮށްފައެވެ.
މަރުވެފައިވަނީ މުހައްމަދު ބިލާލް ކަމަށާއި ޒަހަމްވެފައިވަނީ އަނީލް ރަނާ ކަމަށެވެ.
ފުލުހުންނާއި ހޮސްޕިޓަލުގެ އޮފިޝަލުން ބުނި ގޮތުގައި ބިލާލަށް އެކި ވަރުގެ ޒަހަމްތަކެއް ލިބިފައިވާ ކަމަށާއި އޭނާ މަރުވީ އެ ތަނުގައި ކަމަށެވެ.
ފުލުހުން ސިފަކުރި ގޮތުގައި މި ހާދިސާ އަކީ އަމާޒުކޮށްގެން ހިންގި މަރެއްގެ ގޮތުގަ އެވެ.
މި ހަމަލާގެ ޒިންމާ އެއްވެސް ޖަމާއަތަކުން އުފުލާފައި ނުވާއިރު، އެ މައްސަލަ އިތުރަށް ތަހުގީގު ކުރަމުން އަންނަ ކަމަށް ފުލުހުން ބުނެއެވެ.
