ޒުވާނާ އާއި އަންހެން ކުއްޖާގެ ހަށިގަނޑުގެ ޕޯސްޓްމޯޓަމް ހަދަނީ
ކަރާޗީގައި މަރާލާފައިވާ ޒުވާނާ އާއި އަންހެން ކުއްޖާގެ ހަށިގަނޑުގެ ޕޯސްޓްމޯޓަމް ހަދަން ފޮނުވައިފާކަމަށް ފުލުހުން ބުންޏެވެ.
ފުލުހުން ބުނީ މަރާލާފައިވާ ދެމީހުންގެ ހަށިގަނޑު ޕޯސްޓްމޯޓަމް ހެދުމަށް ޖިނާހް ޕޯސްޓްގްރެޖުއޭޓް މެޑިކަލް ސެންޓަރަށް ގެންގޮސްފައިވާ ކަމަށެވެ.
ފުލުހުން ބުނީ މި މަހުގެ 21 ވަނަ ދުވަހު މި ދެމީހުން މަރާލާފައިވަނީ ކަރާޗީގެ ގުލިސްތާން-އެ-ޖައުހަރު އަވަށުގައި ކަމަށެވެ.
ޕާކިސްތާނުގެ ކަރާޗީ ސިޓީގައި "އިއްޒަތް" ހިފެހެއްޓުމުގެ ނަމުގައި 22 އަހަރުގެ ފިރިހެނަކާއި 16 އަހަރުގެ އަންހެން ކުއްޖެއް ކަމަށް ފުލުހުން ބުންޏެވެ.
ފުލުހުންގެ ބުނީ މި ދެ ޒުވާނުން މަރާލާފައިވަނީ އަންހެން ކުއްޖާގެ ބައްޕައާއި ބޮޑުބޭބެ ކަމަށް ބެލެވޭ ދެ މީހުން ކަމަށެވެ. އަދި މި ދެ މީހުން ފިލައިގެން ގޮސްފައިވާ ކަމަށްވެސް ފުލުހުން ބުންޏެވެ.
ފުލުހުން ދަނީ މައްސަލަ ތަހުގީގު ކުރަމުންނެވެ. އަދި މި އަމަލު ހިންގި ފަރާތްތައް ހޯދުމަށް މަސައްކަތްތަކެއް ކުރަމުންދާ ކަމަށް ފުލުހުން ބުންޏެވެ.
"އިއްޒަތުގެ" ނަމުގައި މީހުން މެރުމަކީ ޕާކިސްތާނުގައި ދެމިގެންދާ މައްސަލައެއް ކަމަށް ވެފައި، މިފަދަ ކުށްތައް ހުއްޓުވުމަށް ސަރުކާރުން އެކި ފިޔަވަޅުތައް އަޅަމުންދާކަން ފާހަގަކުރެވެ އެވެ.
Ads by STO
