އިންޑިއާގައި އިލެކްޓްރިކް ކާރުގެ ބޭނުން 2030 ވަނަ އަހަރާ ހަމައަށް 9 އިންސައްތަ އިތުރުވާނެ

އިންޑިއާގައި އިލެކްޓްރިކް ކާރުގެ ބޭނުން 2030 ވަނަ އަހަރާ ހަމައަށް 9 އިންސައްތައަށް އިތުރުވާނެ ކަމަށް ނޮމުރާ ރިޕޯޓުން ލަފާކޮށްފި އެވެ.ނ

ނޮމުރާ ހޯލްޑިންގްސްއިން އިހަށްދުވަހު ނެރުނު ރިޕޯޓެއްގައި ބުނީ އިންޑިއާގައި އިލެކްޓްރިކް ކާރުގެ ބޭނުން 2030 ވަނަ އަހަރާ ހަމައަށް 9 އިންސައްތައަށް އިތުރުވުމަކީ، މިހާރު ހުރި 1.3 އިންސައްތައިން ވަރަށް ބޮޑު ކުރިއެރުމެއް ކަމަށެވެ.

މި ރިޕޯޓުގައި ފާހަގަކޮށްފައިވަނީ އިންޑިއާގެ އިލެކްޓްރިކް ކާރުގެ މާކެޓް ކުރިއަރަމުން އަންނަނީ ސަރުކާރުން ދެމުންދާ އެކި ސަބްސިޑީތަކާއި އިންސެންޓިވްތަކުގެ ސަބަބުން ކަމަށެވެ. އަދި އިލެކްޓްރިކް ކާރުތަކުގެ އަގު ދަށްވަމުން އައުމާއި، ޗާޖިންގް ސްޓޭޝަންތައް އިތުރުވަމުން އައުމަކީވެސް މި ދާއިރާ ކުރިއަރަމުން އައުމުގެ މައިގަނޑު ސަބަބުތައް ކަމަށްވެސް ރިޕޯޓުގައި ފާހަގަކޮށްފައިވެ އެވެ.

މީގެއިތުރުން ނޮމުރާގެ ރިޕޯޓުގައި ބުނީ އިލެކްޓްރިކް ކާރުތަކުގެ ބޭނުން އިތުރުވުމާއެކު، ޕެޓްރޯލް އަދި ޑީސަލް ކާރުތަކުގެ ބޭނުން މަދުވެގެންދާނެ އެވެ. މިކަމުގެ ސަބަބުން ހިންދުސްތާނުގެ ތެލުގެ އިމްޕޯޓަށް ބޮޑު ބަދަލެއް އަންނާނެ ކަމަށްވެސް ލަފާކުރެވެއެވެ.

މި ރިޕޯޓުން ދައްކާގޮތުގައި، ހިންދުސްތާނުގެ އޮޓޯމޯޓިވް ސިނާއަތަށް ބޮޑެތި ބަދަލުތަކެއް އަންނަމުންދާއިރު، އިލެކްޓްރިކް ކާރުތަކުގެ ބޭނުން އިތުރުވުމަކީ ތިމާވެށްޓަށް ރަހުމަތްތެރި، ދެމެހެއްޓެނިވި ދަތުރުފަތުރުގެ ނިޒާމަކަށް ހިންދުސްތާނު ހިނގަމުންދާކަމުގެ ހެއްކެކެވެ.