އަންހެނެއްގެ މައްސަލާގައި ދެ ފިރިހެނަކު މާރާމާރީ ހިންގައިފި
އަންހެނެއްގެ މައްސަލާގައި ދެ ފިރިހެނަކު މާރާމާރީ ހިންގައިފި އެވެ.
އެ މައްސަލާގައި ހައްޔަރުކުރީ އއ. ރަސްދޫއަށް ނިސްބަތްވާ 23 އަހަރުގެ ފިރިހެނަކާއި ހުޅުމާލެއަށް ނިސްބަތްވާ 33 އަހަރުގެ ފިރިހެނެކެވެ.
ކްރިމިނަލް ކޯޓުން އިއްޔެ އަމުރުގައި ބުނެފައިވާ ގޮތުގައި، ދެ މީހެއްގެ ދެމެދުގައި ހިނގި ކަމަކަށް ވެފައި އިތުރު ކަންކަމަށް ބެލުމަށް ހައްޔަރުކުރި ދެ މީހުން ކްރިމިނަލް ކޯޓުން އިއްޔެ ވަނީ ދޫކޮށްލައިފަ އެވެ.
ވަކިވަކިން ނެރުނު އަމުރުން ފާހަގަވި ކަމަކީ ދެ މީހުން ކޯޓުގައި ބުނެފައި ވަނީ އެ ކަން ހިނގީ އަންހެނެއްގެ މައްސަލާގައި އެރި އޮޅުންތަކެއްގެ ތެރެއިންނެވެ.
އެ ދެ މީހުން ވެސް މިހާާރު ސުލްހަވެ ފުލުހުންނަށް ވެސް އެއްބާރުލުން ދޭ ކަމަށާއި އަދި އެ މައްސަލަ އިތުރަށް ކުރިއަށް ގެންދަން ބޭނުން ނުވާ ކަން ދެ ފަރާތުން ވެސް އެދިފައިވާ ކަން ކްރިމިނަލް ކޯޓުގެ އަމުރުން އެނގެ އެވެ.
އެ މައްސަލާގައި އެ ދެ މީހުން ވެސް ދޫކޮށްލީ އެއްބާރުލުން ދިނުމަށް ޝަރުތުތަކާއެކު ކަމަށް ވެސް ބުނެފައި ވެއެވެ.
Ads by STO
