ޕާކިސްތާނުގެ ނޫސްވެރިން "ޕެކާ" އިސްލާހުތަކާ ދެކޮޅަށް އިހުތިޖާޖް

ޕާކިސްތާނުގެ ނޫސްވެރިން "ޕެކާ" އިސްލާހުތަކާ ދެކޮޅަށް އިހުތިޖާޖް ކުރަން މަގު މައްޗަށް ނިކުންނަން ނިންމައިފި އެވެ.

ޕާކިސްތާނުގެ ނޫސްވެރިންގެ ޖަމިއްޔާތަކުން އިއުލާނުގައި ބުނީ އިލެކްޓްރޯނިކް ކްރައިމް އެކްޓް (ޕެކާ) އަށް ގެނެވުނު އިސްލާހުތަކާ ދެކޮޅަށް މުޅި ގައުމުގައި މުޒާހަރާތަކެއް ކުރިއަށް ގެންދިއުމަށް ނިންމާފައިވާ ކަމަށެވެ.

މި އިސްލާހުތަކަކީ ނޫސްވެރިކަމުގެ މިނިވަންކަމަށް ނުރައްކާވާ ފަދަ އިސްލާހުތަކެއް ކަމަށް ނޫސްވެރިން ދެކެއެވެ.

ޕާކިސްތާނު ފެޑެރަލް ޔޫނިއަން އޮފް ޖާނަލިސްޓްސް (ޕީއެފްޔޫޖޭ) އާއި އެހެނިހެން ނޫސްވެރިންގެ ޖަމިއްޔާތަކުން ބުނީ މި އިސްލާހުތަކަކީ ނޫސްވެރިންނަށް އަދަބު ދިނުމަށް އަމާޒުކޮށްފައިވާ އިސްލާހުތަކެއް ކަމަށެވެ. އަދި މި އިސްލާހުތަކުގެ ސަބަބުން ނޫސްވެރިންނަށް މިނިވަންކަމާއެކު މަސައްކަތް ކުރުމަށް ހުރަސްތަކެއް ކުރިމަތިވާނެ ކަމަށް ވެސް ބުނެފައިވެ އެވެ.

މުޒާހަރާތައް ފެށުމަށް ހަމަޖެހިފައިވަނީ މި ހަފްތާގެ ތެރޭގަ އެވެ.

މި މުޒާހަރާތައް ޕާކިސްތާނުގެ ހުރިހާ ސަރަހައްދެއްގައި ވެސް ކުރިއަށް ގެންދިއުމަށް ވަނީ ރޭވިފަ އެވެ. ނޫސްވެރިންގެ ޖަމިއްޔާތަކުން ގޮވާލާފައިވަނީ ހުރިހާ ނޫސްވެރިންނާއި މީޑިއާ މުވައްޒަފުން މި މުޒާހަރާތަކުގައި ބައިވެރިވުމަށެވެ.

ޕާކިސްތާނު ސަރުކާރުން މި އިސްލާހުތައް ގެނައުމުގެ މަގްސަދަކީ އޮންލައިން ޖަރީމާތައް ހުއްޓުވުން ކަމަށް ބުނެފައިވީ ނަމަވެސް، ނޫސްވެރިން ބުނާ ގޮތުގައި މި އިސްލާހުތަކުގެ ސަބަބުން ނޫސްވެރިކަމުގެ މިނިވަންކަމަށް ބޮޑެތި ގެއްލުންތަކެއް ލިބިގެންދާނެ އެވެ. އަދި މިއީ ހިޔާލު ފާޅުކުރުމުގެ މިނިވަންކަމަށް ވެސް ހުރަސްއެޅޭނެ ކަމެއް ކަމަށް ނޫސްވެރިން ދެކެ އެވެ.

މީގެއިތުރުން ނޫސްވެރިންގެ ޖަމިއްޔާތަކުން ބުނީ މި އިސްލާހުތައް އަނބުރާ ގެންދަންދެން އިހްތިޖާޖުތައް ހުއްޓާނުލާނެ ކަމަށެވެ.

މި މައްސަލައާ ގުޅޭގޮތުން ސަރުކާރުން އަދި ވަކި އެއްޗެއް ބުނެފައެއް ނުވެ އެވެ.