ޖޫން 1ގައި ކަރަންޓު ކެނޑުނު މައްސަލާގައި ބައެއް މައުލޫމާތު އެއްކޮށްފި
މިދިޔަ ޖޫން މަހުގެ ފުރަތަމަ ދުވަހު މާލެ ސަރަހައްދުން ކަރަންޓު ކެނޑުނު މައްސަލައާ ގުޅިގެން ފުލުހުންގެ ތަހުގީގަށް ބައެއް މައުލޫމާތު އެއްކޮށްފި އެވެ.
ފުލުހުން މިއަދު ބުނީ އެ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކުރެވިފައިވާ ކަމަށެވެ.
އަދި މި މައުލޫމާތަށް ބަލައި ފުލުހުން މި މައްސަލަ ދަނީ އިތުރަށް ތަހުގީގު ކުރަމުން ކަމަށް ބުންޏެވެ.
ތަހުގީގު އެއްކޮށް ނިމުމުން ތަހުގީގުގައި ފާހަގަކުރެވުނު ކަންކަން ހިއްސާކޮށްދޭނެ ކަމަށް ފުލުހުން ބުންޏެވެ.
އެ ދުވަހު ހިނގި ކަންކަން ފުލުހުން ތަހުގީގު ކުރުމަށް އެންގެވީ ރައީސް ޑރ. މުހައްމަދު މުއިއްޒެވެ.
އެ ދުވަހު ގާތްގަނޑަކަށް ހަ ގަޑިއިރެއްހާ އިރަށް ކަރަންޓުގެ ހިދުމަތް ކެނޑުނެވެ.
އޭގެ ދެ މަސް ދުވަސް ފަހުން ތަހުގީގުގެ މައުލޫމާތެއް ފުލުހުން މި ދިނީ މިއަދު ވެސް މުޅި މާލެއާއި ހުޅުމާލޭން ކަރަންޓު ގޮސްފައިވަނިކޮށެވެ.
މިއަދު ގަޑިއިރެއް ނުވަނީސް ބައެއް ސަރަހައްދުތަކަަށް ކަރަންޓު ދެމުން ގޮސް މުޅި މާލެއާއި ހުޅުމާލެއަށް ދެ ގަޑިއިރުގެ ތެރޭގައި ކަރަންޓު ދެވުނެވެ.
