ކަމަނަ: އަމިއްލަ ނަފްސަށް ދޭން ހަދިޔާއެއް!
މުޖުތަމަޢުގައި އަންހެނުން ވަޒީފާގެ ބާޒާރަށް ނުކުތުމަށް، ނުވަތަ އެހެން ވެސް ޙަރަކާތެއްގައި ޝާމިލުވެ އުޅުމަށް ބައެއް ހުރަސްތައް ހުރެއެވެ. ޢާއިލީ ގޮތުން އަދާކުރަންޖެހޭ ޒިންމާތަކާއި، ސިއްޙީ ގޮތުން ކުރިމަތިވާ ޚާއްސަ ބައެއް ޙާލަތްތައް ފަދަ ކަންކަމެވެ. އަދާކުރާ ވަޒީފާ ނުވަތަ މަސައްކަތުން "ބްރޭކް"އެއް ނަގަންޖެހި، ޢާމްދަނީ ހުއްޓިދާނެ ޙާލަތްތައް ވެސް ހުރެއެވެ. ދިމާވާ ބަލި ޙާލަތަކާ ހުރެ ވަޒީފާއާ ދުރުގައި ދާއިމަށް ހުންނަން ވެސް ޖެހިދާނެއެވެ. އެކަމަކު އެފަދަ ކަންކަމުން ކުރިމަތިވާ ޢާމްދަނީ ހުއްޓުމުގެ ޙާލަތުން ސަލާމަތް ވެވިދާނެ އެހެން ގޮތްގޮތް އެބަހުއްޓެވެ.
އެލައިޑްގެ "ކަމަނަ" ޕްލޭނަކީ މިފަދަ އެއް އިންތިޒާމެވެ. ކުރު މުއްދަތާއި ދިގު މުއްދަތަށް ދެމިގެންދާ ގޮތަށް، އަންހެނުންނަށް މާލީ ރައްކާތެރިކަން މި ޕްލޭނުން ފޯރުކޮށްދެއެވެ. އެގޮތުން، 18-48 އަހަރާ ދެމެދުގެ ކޮންމެ އަންހެނަކަށް ވެސް، އޭނާގެ ޢުމުރުން 60 އަހަރާ ހަމައަށް ދެމިގެންދާ ގޮތަށް މި ޕްލޭނު ނެގޭނެއެވެ.
މި ޕްލޭނުގެ ދަށުން ޤަވާއިދުން މަހުން މަހަށް ފައިސާ ދައްކަމުން ދާ އިރު، އެއްކުރެވޭ ފައިސާގެ 5 ޕަސަންޓު ކޮންމެ ދެ އަހަރު ދުވަހަކުން ލިބޭނެއެވެ. އޭގެ އިތުރުން ޕްލޭނުގެ މުޅި މުއްދަތު އެއްކޮށް ހަމަވުމާއެކު، އެއްކުރެވިފައިވާ ހުރިހާ ފައިސާއަކާއި އެ ފައިސާއިން ހޯދާ ބޯނަސް ނުވަތަ ފައިދާ/ޢާމްދަނީ ވެސް ލިބޭނެއެވެ. އޭގެ އިތުރުން ޕްލޭނު ބައްލަވައިގެންފައިވާ ފަރާތް، ޕްލޭނުގެ ހިނގަހިނގާ ހުންނަ މުއްދަތުގައި ދިމާވާ ޙާލަތާ ގުޅިގެން ނިޔާވެއްޖެ ނަމަ ޕްލޭނުގައި އެއްކުރަން އަމާޒު ހިފާފައިވާ ފައިސާ އަދި އޭގެ އިތުރަށް 50 ޕަސަންޓު، އަދި އެއްކުރެވުނު ފައިސާއަށް ލިބުނު ބޯނަސް ވެސް ޕްލޭނުގެ ބެނެފިޝަރީއަށް ލިބޭނެއެވެ. (މިސާލަކަށް 100،000 ރުފިޔާ އެއްކުރާ ނަމަ، 150،000 ރުފިޔާ އަދި ބޯނަސް ލިބޭނެއެވެ)
"ކަމަނަ" ޕްލޭނަށް އިތުރު ކަވަރޭޖުތަކެއް އިތުރު ވެސް ކުރުމުގެ ފުރުސަތު އޮވެއެވެ. އެގޮތުން ޕްލޭނުގައި ކަނޑައަޅާފައިވާ ފުރާނައަށް ނުރައްކާހުރި ބައްޔެއް ކުރިމަތިވެއްޖެ ނަމަ، އެއްކުރަން ކަނޑައަޅާފައިވާ ފައިސާގެ ދެބައިކުޅަ އެއްބައި ނުވަތަ ފުރިހަމަ ޢަދަދު، ވަގުތުން ވަގުތަށް ހުރި މާލީ ބޭނުންތައް ފުއްދުމަށް ލިބޭނެއެވެ. އަދި ޕްލޭނުގެ މުއްދަތަށް ދައްކަން ޖެހޭ ޕްރީމިއަމްތައް ދެއްކުން ހުއްޓާލައި، އެކަމަކު ޕްލޭނުގެ މުޅި މުއްދަތަށް ލިބެންޖެހޭ މާލީ ރައްކާތެރިކަން ނުވަތަ ފައިދާތައް ލިބެމުން ދާނެއެވެ. އެކްސިޑެންޓަކާ ގުޅިގެން ދާއިމީ ނުކުޅެދުންތެރިކަމެއް ކުރިމަތިވެއްޖެ ނަމަ ވެސް ޕްލޭނުގައި އެއްކުރަން ރާވާފައިވާ ފައިސާގެ އަދަދު އެއްފަހަރާ ލިބި، މުސްތަޤުބަލުގައި ދައްކަމުން ދާންޖެހޭ ފައިސާ ދައްކާކަށް ވެސް ނުޖެހޭނެއެވެ.
