ލޯބިވެރިޔާ ގޮވައިގެން މިރޭގެ "ބްލޫ މޫން" ބަލާލަން ކޮންމެހެން ވެސް ދާން ވާނެ!
ހަނދަކީ ލޯބިވެރިންނާ ވަރަށް ގުޅިފައިވާ އެއްޗެކެވެ. ރައްޓެހިވެގެން އުޅޭ ދުވަސްވަރުގައި ހަނދު ގެނެސް އުނގަށްލައިދީ ހަދާ ވާހަކަ ވެސް އަޑު އިވެއެވެ. ހަނދު ހެކިކޮށް ލޯބިވާ ވާހަކަ ބުނުމާ ހަނދާ ގުޅުވައިގެން އަންހެން ކުދިންނަށް ތައުރީފް ކުރުމަކީ ލޯބިވެރިން ކުރާ ކަމެކެވެ.
ކޮންމެ ހަނދުމަހެއްގެ ވެސް 14، 15 ވިލޭރޭ އަކީ ވަރަށް ގިނަ ބަޔަކު އެ ދެރެޔަކަށް އިންތިޒާރު ކުރާ ދެ ރެޔެވެ. އެގޮތުން މިރެއަކީ ރަބީއުލްޢައްވަލް މަހުގެ 15 ވިލޭރޭއެވެ. މިރޭގެ ހަނދު ވަރަށް ވެސް ޗާލެވެ.
މިރޭގެ ހަނދު ހާއްސަ ވަނީ ހަމައެކަނި 15 ވިލޭރޭގެ ހަނދަށް ވުމުން އެކަންޏެއް ނޫނެވެ. މިރޭ ފެނިގެން މިދާ ހަނދަކީ ވަރަށް މަދުން ނޫނީ ނުފެންނަ "ބްލޫ މޫން" އެކެވެ.
މިރޭ ރާޅުަގަނޑު ސަރަހައްދުން ނަގާފައިވާ ހަނދުގެ ފޮޓޯއެއް
ބްލޫން މޫން އޭ ކިޔަސް ހަނދު ނޫ ކުލަޔަކުން ނުފެންނާނެ އެވެ. ބްލޫ މޫން އަކީ މަހަކު ދެ ފަހަރު ފުލް މޫން ފެނުމަށް ސައިސްވެރިން ދީފައިވާ ނަމެކެވެ. އެންމެ ފަހުން ބްލޫ މޫން އެއް ފެނިފައިވަނީ 2018 އަހަރުގެ މާރޗް މަހުގެ 31 ވަނަ ދުވަހުއެވެ.
މިރޭގެ ހަނދު ރާއްޖެއަށް ފެންނަ ގޮތް ވެސް ވަރަށް ރީއްޗެވެ. "ބްލޫ މޫން" ބަލައިލާ ފޮޓޯ ނެގުމަށްޓަކައި ގިނަ ބަޔަކު ރާޅުގަނޑު ސަރަހައްދުގައި އުޅޭ މަންޒަރު ފެނެއެވެ. މީގެ ތެރޭގައި ވެސް ގިނައީ ލޯބިވެރިންކަން ފާހަގަ ކުރެވެއެވެ. އެހެންކަމުން ލޯބިވެރިޔާ ގޮވައިގެން މިރޭގެ "ބްލޫ މޫން" ބަލާލަން ދާން ވާނެއެވެ.
