ރައީސް ޔާމީން މިނިވަން ކުރުމަށް މިމަސައްކަތް ކުރަނީ ސިއްރު "ޑީލް"ތައް ހަދައިގެނެއް ނޫން: ޣައްސާން
ޖަލަށް ލާފައިވާ ކުރީގެ ރައީސް އަބްދުﷲ ޔާމީން މިނިވަން ކުރުމަށް އިދިކޮޅުން މަސައްކަތް ކުރަމުން ދަނީ ސިއްރު "ޑީލް"ތައް ހަދައިގެން ނޫން ކަމަށް ޕީޕީއެމްގެ ނައިބު ރައީސް އަދި ގުރައިދޫ ދާއިރާގެ މެމްބަރު މުހައްމަދު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވެފައިމިވަނީ މިހާރު ތިބި ކައުންސިލަރުންގެ ދައުރު އަންނަ މަހު ހަމަވާތީ ގާނޫނު އަސާސީ އަށް ގެންނަން ނިންމާފައިވާ އިސްލާހު ފާސްކުރަން އެއްބާރުލުން ދޭނީ އެމްއެމްޕީއާރްސީގެ މައްސަލާގައި ރަނގަޅު ގޮތެއް ހަދައިދިނުމުން ކަމަށް އިދިކޮޅު މެމްބަރުން ހާމަކުރައްވާފައިވާ ކަމަށް އެމްޑީޕީގެ ބައެއް މެމްބަރުން މިއަދުގެ މަޖިލީހުގެ ޖަލްސާގައި ވިދާޅުވެފައިވަނިކޮށެވެ.
އެކަމާ ގުޅިގެން ޣައްސާން ކުރެއްވި ޓްވީޓެއްގައި ވިދާޅުވީ ރައީސް ޔާމީން ޖަލަށް ލާފައި ވަނީ ނުހައްގުން ކަމަށާއި އެ މަނިކުފާނު މިނިވަންކޮށް ވެރިކަމަށް ގެނައުމުގެ މަސައްކަތް ރާއްޖެއާއި ރާއްޖެއިން ބޭރުގައި އިދިކޮޅުން ކުރަމުން އަންނަނީ ފާޅުކަން ބޮޑުކޮށް ކަމަށެވެ.
"އެ މަނިކުފާނު މިނިވަންކޮށް ވެރިކަމަށް ގެނައުމުގެ މަސައްކަތް ރާއްޖެއާއި ރާއްޖެއިން ބޭރުގައި އިދިކޮޅުން ކުރަމުން އަންނަނީ ފާޅުކަން ބޮޑުކޮށް. ކެރިގެން. ސިއްރު 'ޑީލް' ތައް ހަދައިގެނެއް ނޫން. އިންޝާﷲ މި މަސައްކަތް ކާމިޔާބު ވާނެ." ޣައްސާން ވިދާޅުވިއެވެ.
Raees Yameen jalah laafa vanee nuhaggun. Eh manikfaan minivankoh verikamah genaumuge masahkaih raajje aai raajein beyruga PPM/PNC in mi kuranee faalhukan bodukoh. Kerigen. Sirru “DEAL” thah hadhaigenneh noon. Insha Allah mi masahkaih kaamiyaab vaane.
— Mohamed Ghassan Maumoon (@mgmaumoon) May 30, 2020
ޣައްސާން ކުރެއްވި އިތުރު ޓްވީޓެއްގައި ވިދާޅުވީ އެމްއެމްޕީއާރްސީގެ މައްސަލާގައި ޑީލެއް ހަދަން ނޭދޭ ކަމަށާއި ހުރިހާ ބާރެއް މިއަދު އޮތްއިރު އެ މައްސަލަ ނުބަލާ ލަސްކުރަނީ ކީއްވެގެންތޯ ސުވާލު ކުރައްވާފައެވެ.
"ރައީސް ޔާމީން ޖަލަށްލެވުމުން އިންސާފުގެ ދަތުރު ނިމުނީތޯ. މި މައްސަލަ އަވަހަށް ބައްލަވައި ދެއްވުމަށް ގޮވާލަން" ޣައްސާން ވިދާޅުވިއެވެ.
ކޮމެންޓް