ﷲއަށް ހަމްދު ހުރި، އިތުރު 47 މީހަކު ބަލިން ރަނގަޅު ވެއްޖެ

ކޮވިޑް ޖެހުނު މީހުންގެ ތެރެއިން އިތުރު 47 މީހަކު ބަލިން ރަނގަޅު ވެއްޖެެއެވެ.

Ads by Hajj Corporation

މިހާރު ކުރިއަށްދާ ނޫސްވެރިންގެ ބައްދަލުވުމެއް ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ މި 47 މީހުންނާއެކު ބަލިން ރަނގަޅުވި މީހުންގެ އަދަދު މިހާރު ވަނީ 453 އަށް އަރާފައި ކަމަށެވެ.

ބަލިން ރަނގަޅުވި މީހުންގެ ތެރޭގައި ގިނައިން ހިމެނެނީ ދިވެހިންނެވެ.

ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 1773 އަށް އަރާފައެވެ. އަދި މިއަދު އެކަނިވެސް 101 މީހަކު ވަނީ ފައްސިވެފައެވެ. ފައްސިވި މީހުންގެ 12 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ. އަދި ފަސް މީހަކު ވަނީ މަރުވެފައެވެ. މަރުވެފައިވާ މީހުންގެ ތެރޭގައި ހިމެނެނީ ތިން ދިވެހިންނާއި ދެ ބިދޭސީ އެކެވެ.