ވިލިމާލެ ފަރަށް ގެއްލުންވާ މައްސަލާގައި އެންވަޔަރަމެންޓް އަދި ޕްލޭނިން މިނިސްޓްރީ ކޮމެޓީއަށް ހާޒިރުކުރަނީ
ގުޅިފަޅު ހިއްކުމަށް ކުރިއަށްގެންދާ މަޝްރޫޢުގެ ސަބަބުން ވިލިމާލެ ފަރަށް ގެއްލުންވާ މައްސަލަ ބެލުމަށް އެންވަޔަރަމެންޓް މިނިސްޓްރީއާއި ޕްލޭނިން މިނިސްޓްރީގެ އިތުރުން އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިސްވެރިން މަޖލީހުގެ ކޮމެޓީއަށް ހާޒިރުންކުރަން ނިންމައިފިއެވެ.
ގުޅީފަޅު ހިއްކުމުގެ މަޝްރޫ އާއި ގުޅިގެން ވިލިމާލެ މޫދު ސަރަހައްދަށް ގެއްލުންވާ ކަމަށް ބުނެ މަދަނީ ޖަމިއްޔާތަކުން ކަންބޮޑުވުން ފާޅުކުރަމުން ދަނިކޮށް، ވިިލިމާލެ ސަރަހައްދުގައި މޫސުގެ ފެންގަނޑު ސާފު ކަމަށާއި އަދި ދިރުންތައް ދުޅަހެޔޮ ކަމަށް ކަމަށް އެންވަޔަރަމަންޓު ޕްރޮޓެކްޝަން އެޖެންސީ (އީޕީއޭ) އިން ވަނީ ބުނެފައެވެ.
ރައްޔިތުން މަޖިލީހުން ބުނީ ގުޅިފަޅު ހިއްކުމުގެ މަޝްރޫއާއި ގުޅިގެން އުފެދިފައިވާ ކަންބޮޑުވުންތަކާއި ގުޅިގެން އެ މައްސަލަ މަޖިލީހުގެ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީން ބަލަން ނިންމާފައިވާކަމަށެވެ. އަދި މި މައްސަލައާ ގުޅިގެން ހޯދަންޖެހޭ ލިޔެކިޔުންތައް ހޯއްދުމުގެ މަސައްކަތް ކުރަމުން އަންނަ ކަމަށް ވެސް މަޖިލީހުން ވަނީ ބުނެފައެވެ.
މަޖިލީހުން ބުނީ ގުޅިފަޅު ހިއްކުމަށް ކުރިއަށްގެންދާ މަޝްރޫޢުގެ ސަބަބުން ވިލިމާލެ ފަރަށް ގެއްލުންވާ މައްސަލަ ބެލުމަށް އެންވަޔަރަމެންޓް މިނިސްޓްރީއާއި ޕްލޭނިން މިނިސްޓްރީގެ އިތުރުން އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިސްވެރިން އަންނަ ހޮނިހިރު ދުވަހު ކޮމެޓީއަށް ހާޒިރުކުރަން ނިންމާފައިވާކަމަށެވެ. މީގެއިތުރުން މަޝްރޫޢުގެ އީ.އައި.އޭ ކޮންސަލްޓަންޓްވެސް ކޮމިޓީއަށް ހާޒިރުކުރުމަށްވަނީ ނިންމާފައެވެ.
ގުޅިފަޅު ހިއްކުމަށް ކުރިއަށްގެންދާ މަޝްރޫޢުގެ ޢަމަލީ މަސައްކަތް ވަރަށް ގާތުން ބަލަމުންދާކަމަށް އެޗްޕީއޭއިން ވަނީ ބުނެފައެވެ. އަދި ގުޅިފަޅުގެ މަޝްރޫއުގެ ސަބަބުން ވިލިމާލެ ފަރަށް މާ ބަޑު އަސަރެއް އަދި ކޮށްފައިނުވާކަމަށްވެސް އީޕީއޭއިން ވަނީ ބުނެފައެވެ.
Ads by STO
