ސަރުކާރަށް ފާޑުކިޔައިގެން ވަޒީފާއިން ވަކިކޮށްފިނަމަ ޖުޑިޝަރީ ކޮމެޓީ އިން ފާރަވެރި ވާނަން: އިންތި

ސަރުކާރަށް ފާޑުކިޔުމުން އެއްވެސް މީހަކު ވަޒީފާއިން ވަކިކޮށްފިނަމަ ޖުޑިޝަރީ ކޮމިޓީން އެކަން ބަލާނެ ކަމަށް އެ ކޮމިޓީގެ މުގައްރިރު އިމްތިޔާޒު ފަހުމީ(އިންތި) ވިދާޅުވެއްޖެ އެވެ.

Ads by STELCO

ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ސޯޝަލް މީޑިއާގައި ފާޑުކިޔާފައިވާ ކަމަށް ބުނެ ހިތަދޫ ޕޯޓް ލިމިޓެޑް (އެޗްޕީއެލް) ގެ މުވައްޒަފަކު ވަޒީފާއިން ވަކިކުރި ޗިޓު މިއަދު ވަނީ މީސް މީޑިއާގައި ދައުރުވާން ފަށާފައެވެ.

އެކަމާ ގުޅިގެން އިންތި ވިދާޅުވީ ސަރުކާރަށް ފާޑުކިޔައިގެން މީހަކު ވަޒީފާއިން ވަކިކޮށްފި ނަމަ، ޓްރައިބިޔުނަލުން ޒިންމާ އުފުލާގޮތް ޖުޑިޝަރީ ކޮމެޓީ އިން އެކަމަށް ފާރަވެރިވާނެ ކަމަށެވެ.

"މިހާތަނަށް ހަމަޤައިމުވެސް ހުރީ ރިޔާސީ އިންތިޚާބުގައި ވެސް، އަދި މަޖިލިސް އިންތިޚާބުގައި ވެސް ދެކޮޅަށް އުޅުނު މީހުނަށް ހެސްކިޔާފައި ވަޒީފާ ދީފައި" އިންތި ވިދާޅުވިއެވެ.