ﷲ އަށް ހަމްދުހުރި، އިތުރު 36 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު 36 މީހަކު ބަލިން ރަނގަޅު ވެއްޖެއެވެ.

Ads by Hajj Corporation

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިހާތަނަށް ރާއްޖެއިން 644 މީހުންނަށް ފަރުވާދީ މުޅިން ރަނގަޅު ވެފައިވާ ކަމަށާއި މިހާރު ފަރުވާ ދެމުން ދަނީ 1197 މީހަކަށް ކަމަށެވެ.

މިއަދު ނުވަ މީހަކު ކޮވިޑަށް ފައްސިވެފައިވާއިރު ރާއްޖެއިން މިހާތަނަށް މި ބަލު ޖެހުނު މީހުންގެ އަދަދު މިހާރު ވަނީ 1850 އަށް އަރާފައެވެ. އަދި މިބައްޔަށް ފައްސިވި މީހުންގެ ތެރެެއިން ހަތް މީހަކު ވަނީ މަރުވެފައެވެ.

ފައްސިވި މީހުންގެ ތެރެއިން 13 މީހަކަށް ފަރުވާދެމުންދަނީ ހޮސްޕިޓަލުގައެވެ. އަދި ހޮސްޕިޓަލްގައި ފަރުވާދެމުންދާ މީހުންގެ ތެރެއިން އެކަކަށް ފަރުވާދެމުން ގެންދަނީ އައިސީޔޫގައި ކަމަށް ޑޮކްޓަރުން ވަނީ ބުނެފައެވެ.