މަހަށް ގޮސް އުޅުނު މިލަންދޫ މީހަކު މާވަހަރެއް ހޮވައިފި

ށ. މިލަންދޫގައި މީހަކު ޑިންގީ ގައި މަހަށް ގޮސް އުޅުމުގެ ތެރޭގައި މާވަހަރެއް ހޮވައިފިއެވެ. އޭނާ މި މާވަހަރު ހޮވާފައިވަނީ ހޮނިހިރު ދުވަހު ކަމުގައި މައުލޫމާތު ލިބެއެވެ.

Ads by Sosun Fihaara

އޮންލައިން ނޫހެއް ކަމަށްވާ "ވަގުތު" އަށް މާވަހަރު ހޮވި އިބްރާހިމް ބުުނެފައިވާ ގޮތުގައި އޭނާ އެ މާވަރު ހޮވާފައި ވަނީ އެ އަތޮޅު ފުނަދޫ ކަނދުފޮތި ކައިރިންނެވެ. އަދި މާވަހަރު ހޮވާފައިވަނީ ޑިންގީއެއްގައި ހެނދުނު މަސް ބާނަން ގޮސް އުޅުމުގެ ތެރޭގައި ކަމުގައި ވެސް އޭނާ ބުނެފައިވެއެވެ.

އެ މާވަހަރުގައި 2.4 ކިލޯގްރާމް ހުންނާނެ ކަމަށާއި ވަރަށް ގިނަ ބޭސްވެރިންނަށް މާވަހަރު ދައްކައގެން އެއީ މާވަހަރެއް ކަން ޔަގީން ކޮށްފައިވާ ކަމަށް އޭނާ ބުނެފައިވެއެވެ.