މިއަދު އިތުރު 22 މީހަކު ކޮވިޑަށް ފައްސި ވެއްޖެ

މިއަދު އިތުރު 22 މީހަކު ކޮވިޑް-19 އަށް ފައްސި ވެއްޖެއެވެ.

Ads by MWSC

ހެލްތު ޕްރޮޓެކްޝަން އެޖެންސީ(އެޗްޕީއޭ)އިން މިރޭ ބުނީ ކޮވިޑަށް ފައްސިވި 22 މީހުންގެ ތެރޭގައި ހިމެނެނީ ނުވަ ދިވެހިންނާއި ބަންގްލަދޭޝްގެ 10 މީހުންނާއި އިންޑިއާގެ ތިން މީހެއް ކަމަށެވެ.

މި މީހުންނާއެކު ރާއްޖެއިން ކޮވިޑަށް ފައްސިވި މީހުންގެ އަދަދު ވަނީ 1872 އަށް އަރާފައެވެ.

އެޗްޕީއޭއިން ބުނީ މިރޭގެ ނިޔަލަށް 27،944 ސާމްޕަލް ނަގާފައިވާ ކަމަށެވެ.

މިއަދުގެ ނިޔަލަށް ކަރަންޓީންގައި ތިބީ 1478 މީހުންނެވެ. އައިސޮލޭޝަންގައި ތިބީ 1196 މީހުންނެވެ.

ކޮވިޑްގައި ޖެހުނު މީހުންގެ ތެރެއިން މިހާތަނަށް 648 މީހަކު ބަލިން ރަނގަޅުވެފައިވާއިރު، ހަތް މީހުން ވަނީ ނިޔާވެފައެވެ. އެއީ ހަތަރު ދިވެހިންނާއި ތިން ބިދޭސީންނެވެ.