ﷲއަށް ހަމްދުހުރި، ބަލިން ރަނގަޅުވި މީހުންގެ އަދަދު 648 އަށް!

ކޮވިޑަށް ފައްސިވި މީހުންގެ ތެރެއިން ބަލިން ރަނގަޅުވި މީހުންގެ އަދަދު 648 އަށް އަރައިފިއެވެ.

Ads by Hajj Corporation

ހެލްތު ޕްރޮޓެކްޝަން އެޖެންސީ(އެޗްޕީއޭ)އިން މިރޭ ބުނީ ކޮވިޑަށް ފައްސިވި މީހުންގެ ތެރެއިން އިތުރު ހަތަރު މީހަކު ބަލިން ރަނގަޅު ވެފައިވާ ކަމަށެވެ.

މީގެ އިތުރުން މިއަދު އިތުރު 22 މީހަކު ވަނީ ކޮވިޑަށް ފައްސި ވެފައެވެ. މި މީހުންނާއެކު ރާއްޖެއިން ކޮވިޑަށް ފައްސިވި މީހުންގެ އަދަދު ވަނީ 1872 އަށް އަރާފައެވެ.

އެޗްޕީއޭއިން ބުނީ މިރޭގެ ނިޔަލަށް 27،944 ސާމްޕަލް ނަގާފައިވާ ކަމަށެވެ.

މިއަދުގެ ނިޔަލަށް ކަރަންޓީންގައި ތިބީ 1478 މީހުންނެވެ. އައިސޮލޭޝަންގައި ތިބީ 1196 މީހުންނެވެ.

ކޮވިޑްގައި ޖެހުނު މީހުންގެ ތެރެއިން މިހާތަނަށް 648 މީހަކު ބަލިން ރަނގަޅުވެފައިވާއިރު، ހަތް މީހުން ވަނީ ނިޔާވެފައެވެ. އެއީ ހަތަރު ދިވެހިންނާއި ތިން ބިދޭސީންނެވެ.