ރޯމަސް ގަނެ ޑެލިވަރީކޮށްދޭ ފަރާތްތަކަށް ނަޝީދުގެ ޝުކުރު!
މި ހާލަތުގައި ވެސް ރޯމަސް ގަނެ ޑެލިވަރީކޮށްދިނުމުގައި ހަރަކާތްތެރިވާ ފަރާތްތަކަށް ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ޝުކުރު އަދާކުރައްވައިފިއެވެ.
މިރޭ ނަޝީދު ކުރެއްވި ޓްވީޓެއްގައި ވިދާޅުވީ މިއަދު ރައީސް އިބްރާހިމް މުހައްމަދު ސޯލިހާއި އެމަނިކުފާނާއި މަގުމަތިން ބައެއް ބޭފުޅުންނާއި ބައްދަލުވި ކަމަށާއި އޭގެތެރެއިން ވެސް މި ދަތި އުނދަގޫ ހާލަތުގައި ވެސް ރޯމަސް ގަނެ ޑެލިވަރީކޮށް ދިނުމުގެ ހިދުމަތުގައި ތިބި ފަރާތްތައް ފާހަގަކުރާ ކަމަށެވެ. އަދި އެ ފަރާތްތަކަށް ފަށްފަށުން ނަޝީދު ވަނީ ޝުކުރު ދަންނަވާފައެވެ.
Miadhu Raees @ibusolih adhi alhugadaai magumathin baeh beyfulhunnaai dhimaavi. Eyge thereinves midhathi undhagoo haalathugaves alhugandumennah roamas gane delivery koh dhevvumuge khidhmathuga dhemi thibbevi beyfulhun faahaga kurevey. Fahfashun shukuriyya! pic.twitter.com/JXVMCxM4g1
— Mohamed Nasheed (@MohamedNasheed) June 4, 2020
ރައީސް ސޯލިހާއި ނަޝީދު މިއަދު މުލިއާގޭގައި ބައްދަލުކުރެއްވިއިރު، އެ ދެ ބޭފުޅުން ވަނީ ގިނަ ކަންތައްތަކާ ގުޅޭ ގޮތުން މަޝްވަރާ ކޮށްފައެވެ. އެގޮތުން މިވަގުތު އެންމެ ބޮޑު އިސްކަމެއް ދީގެން ކުރަމުން އަންނަ ކަންކަމާއި ތަރައްގީގެ އެޖެންޑާގައި އަމާޒު ބަހައްޓަންވީ ދާއިރާތަކާ މެދު މަޝްވަރާ ކުރެވުނު ކަމަށް ރައީސް ސޯލިހު ވިދާޅުވިއެވެ.
"ރައްޔިތުންގެ މަޖިލީހަކީ މި ލަނޑު ދަނޑިތައް ހާސިލް ކުރުމަށް މުހިންމު ބައިވެރިއެއް. މިކަމުގެ ދެ ފަރާތުން ވެސް ރައްޔިތުންނަށްޓަކައި އެކީގައި މަސައްކަތް ކުރާނަން." ރައީސް ވިދާޅުވިއެވެ.
Ads by STO
