މިރޭ ރާއްޖޭގައި ކޭތަ ނަމާދު ކުރާނެ
މިރޭ ހިފާ ހަނދުކޭތައާ ގުޅިގެން ކޭތަ ނަމާދު ކުރުން އޮންނާނެ ކަމަށް އިސްލާމިކް މިނިސްޓްރީން ބުނެފި އެވެ.
އެ މިނިސްޓްރީން ރޭ ބުނީ ހަނދުކޭތަ ހިފަން ފަށާނީ މިރޭ 22:45 ގައި ކަމަށާ ކޭތަ އެންމެ ބޮޑަށް ހިފާފައި ހުންނާނީ 00:24 ގައި ކަމަށެވެ. ހަނދުކޭތަ ވީއްލާނީ 02:04 ގަ އެވެ.
މިއީ ފަނޑުހިޔަނީގެ ކޭތައަކަށްވުމުން ކޭތަފާޅުވާނީ ވަރަށް ކުޑަކޮށެވެ.
މި ކޭތަ އާއި ގުޅިގެން ކޮންމެ ރަށެއްގައިވެސް ހުންނަ އެންމެ ބޮޑު މިސްކިތުގައި މިރޭ 00:15 ގައި ކޭތަ ނަމާދު ކުރުން އޮންނާނެ ކަމަށް އިސްލާމިކް މިނިސްޓްރީން ބުންޏެވެ.
އިސްލާމިކް މިނިސްޓްރީން ވަނީ ކޭތަ ނަމާދު ކުރެވޭނެ އިންތިޒާމް ހަމަޖެއްސުމަށް ކައުންސިލްތަކަށް އަންގާފަ އެވެ.
ކޭތަ ނަމާދުކުރަން ނިންމިއިރު މާލޭގައި އަދިވެސް ޖަމާއަތުގައި ނަމާދު ކުރުން އޮތީ މެދުކަނޑާލައިފައެވެ.
އިސްލާމިކް މިނިސްޓްރީން ބުނީ ހަތް ރަށެއް ފިޔަވައި ހުރިހާ ރަށެއްގައިވެސް ނަމާދުކުރާނެ ކަމަށެވެ. އަދި ނަމާދުކުރާނީ ކައިރިކައިރީގައި ތިބެގެން ކަމަށްވެސް ބުންޏެވެ.
Ads by STO
