ނަޝީދުގެ ރައްދު ޝިދާތާއަށް: އަދާލަތަށް އަޅުގަނޑު ފުރައިދިން ފޯމު މަދެއް ނުވާނެ!
އަދާލަތު ޕާޓީއަށް ފުރައިދިން ފޯމު މަދެއް ނުވާނެ ކަމަށާއި އެކަން އެކަމަނާއަށް އެނގިވަޑައިގަންނަވާނެ ކަމަށް ވިދާޅުވެ އެމްޑީޕީގެ ރައީސް މުހައްމަދު ނަޝީދު، އަދާލަތުގެ ޚާރިޖީ ގުޅުންތަކާ ބެހޭ ކޮމިޓީގެ ރައީސް ޝިދާތާ ޝަރީފް އަށް ރައްދު ދެއްވައިފިއެވެ.
ނަޝީދު މިހެން މި ވިދާޅުވީ އަދާލަތު ޕާޓީއަށް މަޖިލިސް ތެރެއިން ގޮނޑިއެއް ނުލިބުނު ނަމަވެސް އެމްޑީޕީން ވެރިކަމަށް އަންނަން ބޭނުންވާ ކޮންމެ ފަހަރަކު ވޯޓުކޮޅު ހަމަ ކޮށްދެނީ އެޕާޓީން ކަމަށް ޝިދާތާ ވިދާޅުވުމާ ގުޅިގެންނެވެ.
އެގޮތުން ނަޝީދު ކުރެއްވި ޓްވީޓެއްގައި ވިދާޅުވީ އަދާލަތު ޕާޓީ އަކީ އެމްޑީޕީގެ ކޯލިޝަން ޕާޓީއެއްގެ ގޮތުގައި ދެކޭނަމަ، އެމްޑީޕީގެ ޗެއާޕާސަން ހަސަން ލަތީފް ކަންކަމާ އެއްޗެއް ވިދާޅުވީމާ އެ ދެއްކެވި ވާހަކައަށް އަޑު އައްސަވާލެއްވުން ބުއްދިވެރި ކަމަށެވެ.
"އޭޕީ އަށް އަޅުގަނޑު ފުރައިދިން ފޯމު މަދެއް ނުވާނެ އަދި އޭޕީގެ މުސްތަޝާރަށް މިކަން އެނގިވަޑައިގަންނަވާނެ." ޝިދާތާ ޓެގް ކުރައްވާ ނަޝީދު ވިދާޅުވިއެވެ.
Adhalath Party akee MDP ge coalition party ehge gothuga dhekeynama, MDP ge chairperson kankamaa ehcheh vidhaalhuveema edhekkevi vaahakaeh adu assavaalevvun buhdhiveri. AP ah alhugandu furadhin form madheh nuvaane adhi AP ge mushthashaarah mikan engivadaigannavaane @shidhatha
— Mohamed Nasheed (@MohamedNasheed) June 5, 2020
ގާނޫނުއަސާސީ އިސްލާހު ކުރުމަށް މިދިޔަ ހޯމަ ދުވަހު މެންދަމު ބޭއްވި ޖަލްސާ ހޫނުވެ ހަމަނުޖެހުން ހިނގި މައްސަލަ ބަލައި ގާނޫނީ ފިޔަވަޅު އެޅުމަކީ ފުލުހުންގެ މައްޗަށް އޮތް ގާނޫނީ ވާޖިބެއް އިމްރާން ރޭ ވަނީ ވިދާޅުވެފައެވެ.
އެކަމާ ގުޅިގެން ހަސަން ލަތީފު ވިދާޅުވީ ރައްޔިތުންގެ ކުޑަވެސް ތާއީދެއް އެއްވެސް ދާއިރާއަކުން އަދާލަތު ޕާޓީއަށް ލިބި ރައްޔިތުން މަޖިލީހުގެ ގޮނޑިއެއްގެ މިންވަރުވެސް ކާމިޔާބު ކުރެވިފައި ނުވާއިރު، މަޖިލީހުގެ ނިޒާމަށް ހުރަސް އަޅާ މަޖިލީހުގެ އިންތިޒާމުތަކުގެ ތެރެއަށް އަރައިގަތުމުގެ ވިސްނުން ހުރެގެން ނުވާނެ ކަމަށެވެ.
ލަތީފުގެ މިވާހަކައާ ހިތްހަމަޖެހިވަޑައި ނުގަތް ޝިދާތާ ފޭސްބުކްގައި ކުރެއްވި ޕޯސްޓެއްގައި ވިދާޅުވީ އަދާލަތު ޕާޓީއަށް މަޖިލިސް ތެރެއިން ގޮނޑިއެއް ނުލިބުނު ނަމަވެސް އަދި އެޕާޓީއަކީ ކިތަންމެ ކުޑަ ޕާޓީއެއް ނަމަވެސް ވެރިކަމަށް އަންނަން ބޭނުންވާ ކޮންމެ ފަހަރަކު ވޯޓުކޮޅު ހަމަ ކޮށްދެނީ އެޕާޓީން ކަމަށެވެ. ނަމަވެސް މިއަދު އެކަން ބޮޑެތި ޕާޓީތަކުން ހަނދާން ނެތިފައިވާ ކަމަށް ޝިދާތާ ވިދާޅުވިއެވެ.
