މާލެއިން ރަށް ތަކަށް ދާ މީހުން 24 ދުވަހަށް ކަރަންޓީނު ކުރަން ނިންމައިފި
މާލެއިން ރަށް ތަކަށް ދާ މީހުން 24 ދުވަހަށް ކަރަންޓީނު ކުރަން އެޗްޕީއޭ އިން ނިންމައިފިއެވެ.
މިކަން އާންމުކޮށްފައިވަނީ މާލޭ ސިޓީގެ ލޮކްޑައުންއާ ގުޅިގެން ރަށްރަށަށް ނުދެވިފައި ތިބި މީހުން ރަށްރަށުގައި ކަރަންޓީނު ކުރުމާ ބެހޭ އުސޫލުގައެވެ. މި އުސޫލު މިހާރުވަނީ ނެރެ އަމަލުކުރަން ފަށާފައެވެ.
މި އުސޫލުގައިވާ ގޮތުން ރަށްރަށުގައި ކަރަންޓީނުވުމަށް ފުރުސަތު ދެވޭނީ ކައުންސިލްގައި އެކަމަށް ރަޖިސްޓްރީވެފައިވާ މީހުންނަށެވެ. އަދި އެމީހުން ކަރަންޓީނުވުމަށް އެދޭ ގެއަކީ ހޯމް ކަރަންޓީނުގެ އުސޫލަށް ފެތޭ ތަނެއްތޯ ކައުންސިލްތަކުން ބަލާނެ ކަމަށް ވެސް އެ އުސޫލުގައި ބުނެފައިވެއެވެ.
ކައުންސިލުން އެކަން ކަށަވަރު ކުރުމަށް ފަހުގައި ކައުންސިލުން އެދޭ ތަރުތީބުން ލިސްޓް ލޯކަލް ގަވަރުމެންޓް އޮތޯރިޓީއަށް ފޮނުވައި މީހުން ރަށްރަށަށް ގެންދިޔުމުގެ އިންތިޒާމް ހަމައްސަން ޖެހޭނެއެވެ. ކަރަންޓީނަށް ފޮނުވާއިރު އެމީހަކީ ކޮވިޑް19 ގެ އެއްވެސް އަލާމާތެއް ނެތް މީހެއް ކަން ވެސް ކަށަވާރު ކުރަން ޖެހެއެވެ.
ކަރަންޓީނު ކުރުމަށް ރަށަށް ގެންދިއުމަށް ހޭދަވާ ހުރިހާ ހަރަދެއް ކުރާނީ ސަރުކާރުންނެވެ.
އެމީހަކު ކަރަންޓީނުން ދޫކޮށްލެވޭނީ، 24 ދުވަހުގެ ކަރަންޓީނު ފުރިހަމަ ކުރުމަށް ފަހު ކޮވިޑް ނަތީޖާ ނައްސިވުމަށް ފަހުގައެވެ.
Ads by STO
