މިދުވަސްވަރު ކަނޑުމަތީގެ ހާދިސާތައް ގިނަ، މޫސުމަށް ސަމާލުވޭ: އެމްއެންޑީއެފް
މޫސުން ގޯސްވުމުގެ ސަބަބުން މިދުވަސްވަރު ކަނޑުމަތީގައި ތަފާތު ހާދިސާތައް ހިނގަމުންދާ ކަމަށާއި ކަނޑު ދަތުރު ކުރާ ފަރާތްތަކުން މޫސުމަށް ސަމާލުވާން އެމްއެންޑީއެފުން ގޮވާލައިފި އެވެ.
އެމްއެންޑީއެފުން ކުރި ޓްވީޓެއްގައި ބުނީ މިދުވަސްވަރު މޫސުން ގޯސްވުމާއި ގުޅުގެން ކަނޑުމަތީގެ ތަފާތު ހާދިސާތައް ހިނގަމުންދާ ކަމުގެ މައުލޫމާތު ލިބޭ ކަމަށެވެ. އެހެން ކަމުން ކަނޑު ދަތުރު ކުރައްވާ ފަރާތްތަކުން މޫސުމަށް ހާއްސަ ސަމާލުކަމެއް ދިނުމަށް އިލްތިމާކުރާ ކަމަށެވެ.
މޫސުން ގޯސްވެ، މޫސުމާބެހޭ މައި އިދާރާ، މެޓް އޮފީހުން ވަނީ ރާއްޖޭގެ ބޮޑު ބަޔަކަށް ޔެލޯ އެލާޓްވެސް ނެރެފަ އެވެ. ޔެލޯ އެލާޓް ނެރެފައިވަނީ ހއ. އަތޮޅުން ތ. އަތޮޅާއި ދެމެދުގެ ރަށްތަކަށެވެ.
Midhuvasvaru moosun goasvumuaa gulhigen kan’dumatheegai thafaathu haadhisaathah hingamun dhaakamuge mauloomaathu MNDF CG MRCC ah libemundhaathee, kan’du dhathuru kuravvaa faraaiythakun moosumah khaassa samaalukameh dhevvumah ilthimaas kuran.
— Maldives National Defence Force (@MNDF_Official) June 13, 2020
މެޓް އޮފީހުން ބުނެފައިވާ ގޮތުގައި މިސަރަޙައްދުތަކުގައި ހިމެނޭ ރަށްތަކަށް އާންމު ވައި ގަޑިއަކު 25 މޭލާއި 30 މޭލުގެ ބާރު މިނުގައި ޖެހެމުންދާއިރު ވިލާގަނޑުގައި ގަޑިއަކު 55 މޭލަށް ވައިގަދަވެ ކަނޑުތައް ވެސް ގަދަވާނެއެެވެ.
ޔެލޯ އެލާޓް ނެރެފައިވަނީ މިއަދު ހަވީރު 17:30 ން 20:30 އަށެވެ.
