ކޮވިޑް-19: ޗައިނާއިން އުފެއްދި ވެކްސިން ޔޫއޭއީ ގައި ޓެސްޓު ކުރަނީ!
ބީޖިންގް (ރޮއިޓާސް) : ޗައިނާ ނޭޝަނަލް ބަޔޮޓެކް ގްރޫޕް (ސީއެންބީޖީ) އިން ކޮރޯނާ ވައިރަސް ނުވަތަ ކޮވިޑް-19 އާއި ދެކޮޅަށް ހަނގުރާމަ ކުރުމަށް އުފައްދާ ވެކްސިންގެ ސާމްޕަލެއް، ޔުނައިޓެޑް އަރަބް އެމިރެޓްސް (ޔޫއޭއީ) ގައި ޓެސްޓު ކުރުމުގެ ހުއްދަ ލިބިއްޖެއެވެ.
ޗައިނާގައި މިވަގުތު މިބަލި މުޅިން އަލަށް ޖެހުނު މީހެއް ނެތުމުގެ ސަބަބުން، އެޤައުމުން މަސައްކަތް ކޮށްފައިވަނީ އެހެން ޤައުމެއްގައި ވެކްސިން ޓެސްޓު ކުރުމަށެވެ.
ޗައިނާއިން ބުނިގޮތުގައި އެމީހުން މިވެކްސިންތައް ޓެސްޓު ކުރަން ބޭނުންވީ ދުނިޔޭގެ ނިސްބަތަށް ބަލާއިރު އެންމެ ގިނައިން މިބަލި ފެތުރިފައިވާ ޤައުމުތަކުން ޤައުމެއްގައެވެ.
އެގޮތުން ޔޫއޭއީ ގައި މިވެކްސިން ޓެސްޓު ކުރުމަށް ފުރުސަތު ލިބިފައިވާ ކަމަށް ސީއެންބީޖީ އިން ވަނީ މީސްމީޑިއާގައި ހާމަ ކޮށްފައެވެ. ނަމަވެސް ޗައިނާއިން އުފެއްދި މިވެކްސިނަށް ކިޔާ ނަމެއް އެޤައުމުން ހާމަ ކޮށްފައެއް ނުވެއެވެ.
