ކުރީގެ ލޯބިވެރިޔާއަށް ތަފާތު ޑެލިވަރީއެއް!
އެއްވެސް މީހަކީ ލޯބީގައި ނާކާމިޔާބުވާން އެދޭނެ މީހެއް ނޫނެވެ. ގިނަ މީހުންނަށް މިފަދަ ހިތްދަތިކަން ތަހައްމަލު ކުރުމަކީ އުނދަގޫ ކަމެކެވެ. އަދި ގިނަ ދުވަސް ވަންދެން އެ ހިތާމަތައް ތަހައްމަލު ކުރަން ޖެހުމުން ބައެއް މީހުންގެ ހިތުގައި އަނެކާއަށް ނަފްރަތު އުފެދެއެވެ. އަދި މިކަން އަމަލުން ދައްކާ މީހުންވެސް އުޅެއެވެ. އެގޮތުން ޗައިނާގެ އަންހެނަކު މިވަނީ އޭނާގެ ހިތުގައި ކުރީގެ ލޯބިވެރިޔާއަށް އޮތް ރުޅިވެރިކަން ޑެލިވަރީ ކުރާ މީހެއްގެ އެހީގައި ހާމަކޮށްފައެވެ.
ޗައިނާގެ "ޝަންގްޑޮންގް" ނަމަކަށް ކިޔާ ކާބޯތަކެތި ވިއްކާ ތަނެއްގައި ޑެލިވަރީ ކުރާ މީހާގެ ކިބައިން މި އަންހެންމީހާ ވަނީ އޭނާގެ ކުރީގެ ލޯބިވެރިޔާގެ މޫނަށް ސައިތަށްޓެއް ޖެހުމަށް އެދިފައެވެ.
މިފަދަ ކަމެއް ޑެލިވަރީ ކުރާ މީހަކު ކޮށްފާނެ ކަމަށް ޤަބޫލު ނުކުރެވުނަސް އޭނާ ވަނީ މިކަން ކޮށްފައެވެ. އަދި މި ވީޑިއޯ ވެސް ވަނީ މީސްމީޑިމިޔާގައި ވަނީ ދައުރު ވެފައެވެ
ވީޑިއޯ ގައި ފެންނަ ގޮތުގައި އަންހެންމީހާ އެދުނު ގޮތަށް އޭނާގެ ކުރީގެ ލޯބިވެރިޔާގެ މޫނަށް ސައިތަށި ޖެހުމަށްފަހު ވަގުތުން ޑެލިވަރީ ކުރާ މީހާ ވަނީ އަންހެން މީހާގެ އެދުން ކިޔައިދީފައެވެ. އަދި އެކަމަށް މާފަށް ވެސް އެދިފައެވެ. އަދި މޫނު ސާފުކުރުމަށް ޓިޝޫ ވެސް ހަވާލު ކޮށްފައި ވެއެވެ.
މިކަމާއި ގުޅިގެން ޑެލިވަރީ ކުރާ މީހާގެ މައްސަލަ ބަލާނެ ކަމަށް އޭނާ މަސައްކަތްކުރާ ތަނުން ވަނީ ބުނެފައެވެ.
