އެތައް ހާސް ދިވެހިންގެ ބަރަހަނާ ފޮޓޯ އަޅާ ޓެލެގްރާމް ގްރޫޕެއް، ހުއްޓުވާނެ ބައެއް ނެތް
ދިވެހިންގެ އިޖުތިމާއީ ފޭރާން ވީދި ހަލާކުވަމުން އައި ވާހަކައަކީ އިއްޔެއަކު މިއަދަކު ދައްކާ ވާހަކައެއް ނޫނެވެ. ޖިންސީ ގޯނާ އާ ރޭޕް ގެ ތަފާތު އެކި އެކި މައްސަލަތަކުގެ ވާހަކަ ކޮންމެ ދުވަހަކު މި އަންނަނީ އަޑުއިވެމުންނެވެ.
މިފަދަ ވާހަކަތައް ހަރުލާފައިވާ ދުވަސްވަރެއްގައި އަނެއްކާ ވެސް މިވަނީ އިތުރު ވާހަކައެއް ފެންމަތިވެފައެވެ. މިފަހަރު ދައްކަން މިއުޅެނީ އެތައް ހާސް ދިވެހި އަންހެން ކުދިންނާއި ފިރިހެން ކުދިން ގެ ބަރަހަނާ ފޮޓޯ އަޅާ ޓެލެގްރާމް ޗެނަލެއްގެ ވާހަކައެވެ. ކޮންމެ ބަޔަކު ހިންގި ކަމުގައި ވިޔަސް، މިފަދަ ދަށު ދަރަޖައިގެ އަމަލުތަކަކީ ހުއްޓުވައި، އެކަން ކުރި ބަޔަކު ހޯދާ ފިޔަވަޅު އަޅަން ޖެހޭ ކަމެކެވެ.
މީގެ ކުރިން ފުލުހުން ވަނީ މި ފަދަ ވައިބާ ކޮމިއުނިޓީ އެއްގެ މައްސަލަވެސް ބަލާފައެވެ. މިކަން ދިވެހިންގެ ތެރޭގައި އާންމުވަމުން އަންނައިރު ކަމާބެހޭ ފަރާތްތަކަށް މިކަން ނުހުއްޓުވުމަކީ ހިތާމަ ކުރަން ޖެހޭ ކަމެކެވެ. މިފަދަ ކަންކަން ހުއްޓުވުމަށް ކަމާ ބެހޭ ފަރާތްތަކުން ވެސް ވަނީ ނުކުޅެދިފަ އެވެ. އެހެން ނޫންނަމަ މިކަން މިހާ އިތުރުވެގެން ނުދާނެކަން ޔަގީނެވެ.
ލޯތްބަށް "ޣަރަގުވެ" ހިންގާ ފާހިޝް އަމަލުތަކުގެ ތެރެއިން ލޯބިވެރިންގެ ދެމެދުގައި އޮރިޔާން ފޮޓޯ އާއި ވީޑިއޯ އެކަކު އަނެކަކަށް ފޮނުވުމަކީ އާންމު ކަމެކެވެ. އާހިރު ނަތީޖާ އަކަށް ވެގެން ދަނީ ދެމީހުންގެ ލޯބީގެ ގުޅުން ނިމި ޒުވާބު ހޫނުވާ ހިސާބުން ފޮޓޯތައް އެތަށް ގޮތަކަށް އާންމުވުމެވެ. އެމަޅީގައި އެތައް ހާސް ދިވެހި އަންހެނުންނެއް އަދި ފިރިހެނުންނެއް ޖެހި ފިތިފައި އެބަ ހުއްޓެވެ. މޮޑެވިގެންދަނީ އެތައް ބައެއްގެ ގަދަރާއި އިއްޒަތެވެ.
ދީނީ ގޮތުން ބަލާއިރުވެސް މިފަދަ ބަރަހަނާ ފޮޓޯތައް ފޮނުވުމަކީ ހުއްދަ ކަމެއް ނޫން ކަމަށް އިލްމުވެރިން ވިދާޅުވެއެވެ.
އެގޮތުން ޑރ. މުޙައްމަދު އިޔާޟް ޢަބްދުއްލަޠީފް އާ މީގެ ކުރިން ކުރެވުނު ސުވާލެއްގެ ޖަވާބުގައި ވިދާޅުވިގޮތުގައި ފިރިމީހާ އަމުރުކުރި ނަމަވެސް ބަރަހަނާ ފޮޓޯ ފޮނުވައިގެން ނުވާނެކަމަށާއި އެއީ ދީނީ ގޮތުން ހުއްދަ ކަމެއް ނޫން ކަމަށެވެ.
"ފިރިމީހާ ހުންނަނީ ދުރުގާ ވަޒީފާ އަދަކުރަން. ދެން އަނބިމީހާއަށް މި އަމުރުކުރަނީ އަނބިމީހާގެ ބަރަހަނާ ފޮޓޯ ފޮނުވަން. ދެން އަނބިމީހާ ނުފޮނުވައިފި ކަމުގަވާނަމަ އެކަން ވާނެތޯ ފިރިމީހާއަށް ނުކިޔަމަންތެރިވިކަމަށް؟"
މި ސުވާލުގެ ޖަވާބުގައި ޑރ. އިޔާޟް ވިދާޅުވެފައިވަނީ "އަނބިމީހާ ފިރިމީހާއަށް ކިޔަމަންވާންޖެހޭނީ ﷲ އަށް އުރެދުމެއް ނުވާ ކަންތައްތަކުގައެވެ.
