ޓްރީޓޮޕްގެ މުވައްޒަފަކު ވެސް ކޮވިޑަށް ފައްސި ވެއްޖެ

ޓްރީޓޮޕް ހޮސްޕިޓަލުގެ މުވައްޒަފަކު ވެސް ކޮވިޑް-19 ފައްސި ވެއްޖެއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގް ވިދާޅުވީ، އިއްޔެ ޓްރީޓޮޕް ހޮސްޕިޓަލުގެ މުވައްޒަފަކު ކޮވިޑަށް ފައްސިވެފައިވާ ކަމަށެވެ.

އަދި މި ކޭސްއާ ގުޅިގެން ޓްރޭސިން ހެދުމަށް ފަހު ނުވަ މުވައްޒަފަކު އެކަހެރިކޮށްފައިވާ ކަމަށާއި ނަމަވެސް އެއްވެސް ބަލި މީހަކު އެކަހެރި ނުކުރާ ކަމަށް އޭނާ ވިދާޅުވިއެވެ.

މީގެ އިތުރުން މިއަދު އައިޖީއެމްއެޗް ހޮސްޕިޓަލުން ވެސް ކޮވިޑުގެ އިތުރު ހަތަރު ކޭސްވަނީ ފެނިފަ އެވެ. މި ހަތަރު މީހުންނާއެކު އައިޖީއެމްއެޗުން ޖުމްލަ 15 މީހަކު މިހާތަނަށް ވަނީ ކޮވިޑަށް ފައްސިވެފައެވެ.

އައިޖީއެމްއެޗުން އިއްޔެ ބުނި ގޮތުގައި މިދިޔަ ބުރާސްފަތި ދުވަހުގެ ރޭ ނިޔާވި އިންޑޮނޭޝިއާ މީހާ ކޮވިޑަށް ފައްސި ވެފައިވުމުން އެ ކަމާ ގުޅިގެން ހެދި ކޮންޓެކްޓް ޓްރޭސިންގެ ތެރެއިން 11 މީހަކު ހޮސްޕިޓަލުގެ ތެރެއިން ފައްސި ވެފައިވާ ކަމަށެވެ.