ދުވާފަރުން ތިން މީހަކު ފައްސިވެ، ދުވާފަރަށް މީހުން އެރުން މަނާ ކޮށްފި
ދުވާފަރުން ތިން މީހަކު ކޮވިޑް19 އަށް ފައްސިވެ، ދުވާފަރަށް މީހުން އެރުން މަނާ ކޮށްފިއެވެ.
އެރަށުން ކޮވިޑަށް ފައްސިވެފައިވަނީ ހޯމް ކަރަންޓީނުގައި އެރަށުގައި 14 ދުވަސް ހޭދަކުރުމަށް ފަހު ދޫކޮށްލި 3 މީހުނެވެ. މި މީހުން ހޯމް ކަރަންޓީނު ކޮށްފައިވަނީ މިދިޔަ މަހުގެ 15 ވަނަ ދުވަހުއެވެ. އެމީހުން ކަރަންޓީނުން ދޫކޮށްލާފައިވަނީ މީގެ ދެ ދުވަސް ކުރިން ސާމްޕަލް ނައްސި ކަމަށް އެޗްޕީއޭ އިން އެންގުމުންނެވެ.
ނަމަވެސް ކަރަންޓީނުން ދޫކޮށްލި ފަހުން އެޗްޕީއޭގެ އެދުމުގެ މަތިން އަނެއްކާ ވެސް އެ މީހުންގެ ސާމްޕަލް ފޮނުވުމުން އޭގެތެރިއިން ތިން މީހަކު ވަނީ ފައްސިވެފައެވެ.
މި މީހުން އަލުން ކަރަންޓީނުކޮށް، ކޮންޓެކްޓު ޓްރޭސިން ގެ މަސައްކަތް މިހާރު ދަަނީ ކުރިއަށް ގެންދަމުންނެވެ.
މި ތިން މީހުން ގިނަ ބަޔަކާއި ބައްދަލުވެފައިވާ ކަމަށް ވެސް އެރަށުން 'ދެން' އަށް މައުލޫމާތު ދިން މީހަކު ބުނެފައިވެއެވެ.
މައުލޫމާތު ލިބޭ ގޮތުގައި ފައްސިވެފައިވަނީ މަންމަ އަކާއި ބައެއްޕައެއްގެ އިތުރުން އޭނާގެ ފިރިހެން ދަރިއެކެވެ. އަދި އެ މީހުންނާ އެކު ދެން ކަރަންޓީނުގައި ހުރި ދެމަފިރިންގެ އަނެއް ދަރިފުޅުގެ ސާމްޕަލް ވަނީ ނައްސިވެފަ އެވެ.
މި ތިން މީހުން ފައްސިވުމާއެކު ދުވާފަރަށް އަރާ ފޭބުން ވަނީ މަނާކޮށްފައެވެ.
