އަލީ ވަހީދު ރާއްޖެ ދޫކޮށް ފުރުން މަނާ ކޮށްފި!

ކުރީގެ ޓޫރިޒަމް މިނިސްޓަރ އަލީ ވަހީދު، ރާއްޖެ ދޫކޮށް ފުރުން މަނާ ކޮށްފިއެވެ.

Ads by Hajj Corporation

ފުލުހުންގެ މީޑިއާ އޮފިޝަލަކު ވިދާޅުވީ، އަލީ ވަހީދުގެ މައްޗަށް ތުހުމަތު ކުރެވޭ މައްސަލައާއި ގުޅިގެން ކޯޓު އަމުރެއްގެ ދަށުން، އަލީ ވަހީދު ފުރުން ވަނީ މަނާކޮށްފައި ކަމަށެވެ.

އިތުރު ތަފްސީލެއް ފުލުހުން ނުދެއްވައެވެ.

ޓޫރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާ ކުރިކަމުގެ ތުހުމަތުގައި، ރައީސް އިބްރާހިމް މުޙައްމަދު ޞާލިޙު ވަނީ އަލީ ވަހީދު އެމަގާމުން ވަކި ކޮށްފައެވެ. އަދި އެތުހުމަތުތަކާއި ގުޅިގެން އެމަނިކުފާނުގެ ގެވެސް ރޭގައި ވަނީ ބަލައިފާސް ކޮށްފައެވެ.

އެގެއިން ތަހުގީގަށް ފުލުހުން ގެންގޮސްފައިވަނީ ލެޕްޓޮޕާއި ފޯނުކަމަށް މައުލޫމާތު ލިބިފައިވެއެވެ. ނަމަވެސް މިމައްސަލައާއި ގުޅިގެން އިތުރު ތަނެއް އަދި ބަލައިފާހެއް ނުކުރެއެވެ.