އާ އުންމީދުތަކަކާ އެކު ރާއްޖޭގެ ބޯޑަރު ހުޅުވާލައިފި
ކޮވިޑް-19އާ ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ރާއްޖޭގެ ބޯޑަރު ބަންދުކޮށްފައި އޮންނަތާ ތިން މަސް ދުވަސް ފަހުން ރާއްޖޭގެ ބޯޑަރު މިއަދު ހުޅުވާލައިފި އެވެ.
ބޯޑަރު އަލުން ހުޅުވައިލުމާ ގުޅިގެން މިއަދު ހެނދުނު ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް ފުރަތަމަ ޖެއްސީ ގަތަރު އެެއާވޭސްގެ (ކިއުއާރު 672) މަތިންދާބޯޓެކެވެ. އެއީ ގަތަރުގެ ދޯހާ އިން ފުރައިގެން ރާއްޖެ އައި ބޯޓެކެވެ. އެ ބޯޓުގައި އައީ 100 އެއްހާ ޓޫރިސްޓުންނެވެ. އެ ފްލައިޓް ވީއައިއޭގެ ރަންވޭގައި ޖައްސާފައި ވަނީ، މިއަދު ހެނދުނު 8:27ގަ އެވެ.
ރާއްޖޭގެ ބޯޑަރު އަލުން ހުޅުވިޔަސް ގިނަ އެއާލައިންތަކުން ދަތުރު ފަށާނީ އަންނަ މަހު އެވެ. މި މަހަށް ތާވަލު ކޮށްފައި ވަނީ ގަތަރު އެއާވޭސްގެ އިތުރުން އެމިރޭޓްސް އާއި އިއްތިހާދު އެއާވޭސް އެވެ. އަންނަ މަހު ރާއްޖެ އަށް ދަތުރުތައް ފަށާ ހަ އެއާލައިންގެ ތެރޭގައި ސްރީ ލަންކަން އާއި ސިންގަޕޯ އާއި އިންޑިގޯ އާއި ގަލަފް އެއާ ހިމެނެ އެވެ.
