ބާރަށު ގެއެއްގައި އަލިފާން ރޯވެ އަނދައިފި
ހއ. ބާރަށު ގެެއެއްގައި އަލިފާން ރޯވެ އަނދައިފިއެވެ.
ބާރަށު ކައުންސިލްގެ ރައީސް އަލީ ޝަމީމްއާ ހަވާލާދީ "ޕީއެސްއެމް" އިން ރިޕޯޓުކޮށްފައިވާ ގޮތުގައި އަލިފާން ރޯވެފައި ވަނީ އެރަށު އޭސިއާ ގޭގައެވެ.
އަލިފާން ރޯވެފައި ވަނީ މިއަދުގެ 11:50 ހާއިރުގައި ކަމަށާއި، އަދި 12:15 ހާއިރު އަލިފާން ނިވާލާފައި ވާކަމަށް ޝަމީމް ވިދާޅުވިއެވެ. އަލިފާން ނިއްވާލާފައި ވަނީ ރަށުގެ ރައްޔިތުންނާއި ފުލުހުން ގުޅިގެން ކުރި މަސައްކަތުންނެވެ.
ޝަމީމް ވިދާޅުވީ އަލިފާނުގެ ހާދިސާ ހިނގާފައި ވަނީ މައިގެއާއި ވަކިން ހުރި އެގޭގެ ކޮޓަރި ބަރިއެއްގައި ކަމަށާއި ފުރަތަމަ އަލިފާން ރޯވެފައި ވަނީ، އެގޭގައި ގުދަނެއްގެ ގޮތުގައި ބޭނުންކުރަމުން އައި ކޮޓަރިއެއްގައި ކަމަށެވެ.
އެގޭގެ އަލިފާން ރޯވި ކޮޓަރި ބަރި ބޭނުން ނުކުރެވޭ ވަރަށް އަނދާފައިވާއިރު، ފާރުތައްވެސް ވަރަށް ބޮޑަށް ރެނދު އަޅައި ހަލާކުވެފައިވާކަމުގައިވެސް އޭނާ ވިދާޅުވިއެވެ.
މިއަލިފާނުގެ ހާދިސާ ހިނގަން މެދުވެރިވި ސަބަބު ފުލުހުން މިހާރު އަންނަީ ތަހުގީގު ކުރަމުންނެވެ.
