މަޤާމުން ވަކިކުރުމަށް ނިންމާފައިވަނިކޮށް މޫސަ އެޗްއާރްސީއެމް އިން އިސްތިއުފާދެއްވައިފި
ހިއުމަން ރައިޓްސް ކޮމިޝަން (އެޗްއާރުސީއެމް)ގެ މެމްބަރު މޫސާ ޢަލީ ކަލޭފާނު މަގާމުން އިސްތިއުފާ ދެއްވައިފިއެވެ.
އޭނާ އެ މަގާމުން އިސްތިއުފާ ދެއްވަން ނިންމައި، ރައީސުލްޖުމްހޫރިއްޔާ އިބްރާހިމް މުހައްމަދު ސާލިހަށް ވަނީ ސިޓީފުޅެއް ފޮނުއްވާފައެވެ. މޫސަ އެޗްއާރުސީއެމް އިން އިސްތިއުފާދެއްވާފައިވަނީ މަޤާމުގެ މަސްއޫލިއްޔަތު މިނިވަންކަމާއި، މުސްތަޤިއްލުކަމާއެކު އަދާކުރެވޭނެ މާހައުލެއް މިވަގުތު ނެތްކަމަށް ޤަބޫލުކުރެވޭތީ ކަމަށް އިސްތިއުފާގެ ސިޓީގައި ވިދާޅުވެފައިވެއެވެ.
މަގާމުން އިސްތިއުފާ ދެއްވިއިރު، ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީން ބުރާސްފަތި ދުވަހުގެރޭ ބޭއްވި ބައްދަލުވުމުގައި މޫސާ ޢަލީ ކަލޭފާނު ކޮމިޝަނުން ވަކިކުރުމަށް ނިންމާ ތަޅުމަށް ވަނީ ފޮނުވާފައެވެ.
މޫސާ އަލީ ކަލޭގެފާނު އެޗްއާރުސީއެމްގެ މެންބަރެއްގެ ގޮތުގައި އައްޔަން ކުރައްވާފައިވަނީ 2015 ވަނަ އަހަރުއެވެ.
މީގެ ކުރިން އެޗްއާރްސީއެމްގެ ރައީސްގެ މަގާމުން އައިމިނަތު އީނާސް އައި އެ ކޮމިޝަންގެ މެންބަރު އައިޝަތު އަފްރީންވެސް ވަނީ މަގާމުން އިސްތިއުފާ ދެއްވާފައެވެ.
Ads by STO
