ބިދޭސީންނަށް ފަސޭހަ އިން ރެސިޑެންސް ވިސާ ލިބޭ ގޮތަށް އިމިގްރޭޝަންގެ ގާނޫނަށް ބަދަލު ގެންނަން ރައްޔިތުންގެ މަޖިލީހުގެ ކަމާ ގުޅޭ ކޮމިޓީން އަލުން ވިސްނުމަށް ނަޝީދު ހުށަހެޅުއްވި ގޮތާ މެދު ކަންބޮޑުވުން ފާޅުކުރައްވާ ބައެއް މެމްބަރުން އެކަމުގައި އެ މަނިކުފާނު އެހެން ގޯހެއް ވެސް ހައްދަވާފައިވާ ކަމަށް ވިދާޅުވެ އަންނަނީ ހިތްހަމަނުޖެހުން ފާޅުކުރައްވަމުންނެވެ.
ބިދޭސީންނަށް ރަށްވެހިކަން ދޭން އުޅެނީ ވަރަށް ނުބައި މަގްސަދެއްގައި: އަދުރޭ
ބިދޭސީންނަށް ރަށްވެހިކަން ދޭން އުޅެނީ ވަރަށް ނުބައި މަގްސަދެއްގައި ކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
Ads by Hajj Corporation
އިދިކޮޅު ކޯލިޝަނުން ރޭ ބޭއްވި ޖަލްސާގައި ވާހަކަ ދައްކަވަމުން އަދުރޭ ވިދާޅުވީ ބިދޭސީންނަށް ރަށްވެހިކަން ދިނުމުން ދިވެހިން އަޅުވެތިވެ ރާއްޖޭގައި ބާތިލް ދީންތަކަށް ފުރުސަތު ލިބިގެންދާނެ ކަމަށެވެ. އެހެންކަމުން ގައުމާއި ދީނު ދިފާއުގައި މިއަދު އެންމެން ނުކުނަންނަންޖެހޭ ކަމަށް އަދުރޭ ވިދާޅުވިއެވެ.
އަދުރޭ މިހެން ވިދާޅުވީ 10 އަހަރަށް ވުރެ ގިނަ ދުވަހަށް ރާއްޖޭން ގެއެއް ކުއްޔަށް ހިފާ ބިދޭސީންނަށް ރެސިޑެންޓް ވިސާ ދެވޭނެ ގޮތަށް އިމިގްރޭޝަންގެ ގާނޫނަށް މަޖްލީހުގެ ރައީސް މުހައްމަދު ނަޝީދު އިސްލާހު ހުށަހެޅުއްވުމާ ގުޅިގެންނެވެ.
އަދުރޭ ވިދާޅުވީ ބިދޭސީންނަށް ރަށްވެހިކަން ދިނުމުގެ ބޭނުމަކީ އަމިއްލަ ފަސްގަނޑުގައި އަމިއްލަ ވޯޓާނުލައި އެބަޔަކު ބޭނުންވާ ބަޔަކު ރާއްޖޭގެ ވެރިކަމަށް ގެނައުމަށް މަގުފަހިކުރުން ކަމަށެވެ.
"އަމިއްލަ ފަސްގަނޑުގައި ދިވެހިން ވެެގެންދާނީ ދެވަނަ ދަރަޖައިގެ ރައްޔިތުންނަށް. އެކަމާ ދެކޮޅަށް ރައީސް ޔާމީން އަބަދުވެސް ވަކާލާތު ކުރެއްވި. އެހެން އެކަން ވެއްޖެނަމަ ރައްޔިތުންގެ ޓެކްސް ފައިސާއިން އެ މީހުންނަށް ވެސް ހަރަދުކުރަން ޖެހޭނެ. ގައުމު ހިމާޔަތް ކުރުމަށް ބޭރު މީހުންނަށް ރަށްވެހިކަން ދިނުމާ ދެކޮޅަށް ނުތެދުވެއްޖެ ނަމަ އަޅުގަނޑުމެންގެ ނަން ތާރިހުގައި ލިޔެވިގެން ދާނީ ގައުމަށް ގައްދާރުވި ބައެއްގެ ގޮތުގައި." އަދުރޭ ވިދާޅުވިއެވެ.
އަދުރޭ އިތުރަށް ވިދާޅުވީ މިއީ ސިޔާސީ ފިކުރު އެއްފަރާތްކޮށް އެންމެން އެއް މަގްސަދެއްގައި ނިކުންނަން ޖެހޭ ވަރު ކަމެއް ކަމަށާއި ދިވެހި ރައްޔިތުންގައުމުގެ ހައްގުގައި ދީނުގެ ދިފާއުގައި ނުކުންނަން ވެއްޖެ ކަމަށެވެ.
Ads by Allied Insurance
