މިއަދު މިފެންނަނީ ވަކި ބޭފުޅެއްގެ އަތްޕުޅަށް ތިން ބާރު ނަގަން މަސައްކަތް ކުރީމަ ވާގޮތް: ޣައްސާން
މިއަދު މިފެންނަނީ ވަކި ބޭފުޅެއްގެ އަތްޕުޅަށް ދައުލަތުގެ ތިން ބާރު ނަގަން މަސައްކަތް ކުރީމަ ވާގޮތް ތ. ގުރައިދޫ ދާއިރާގެ މެމްބަރު އަދި ޕީޕީއެމްގެ ނައިބް ރައީސް މުހައްމަދު ޣައްސާން މައުމޫން ވިދާޅުވެއްޖެއެވެ.
ރައީސް އަބްދުﷲ ޔާމީން މިނިވަން ކުރުމަށް ގޮވާލައި އިދިކޮޅުން ރޭ ބޭއްވި ޖަލްސާގައި ވާހަކަ ދައްކަވަމުން ޣައްސާން ވިދާޅުވީ އެމްޑީޕީން ވެރިކަމަށްއެމްޑީޕީން ވެރިކަމަށް އައީ އިންސާފުގެ ދަތުރާއި ޝަރުއީ ދާއިރާ އިސްލާހު ކުރުމުގެ ވާހަކަ ދައްކައިގެން ކަމަށެވެ. ނަމަވެސް މިއަދު ފެންނ މަންޒަރަކީ ގާނޫނު އަސާސީއާ ހިލާފަށް ކޯޓުތަކުގެ ތެރެއަށް ނުފޫޒު ފޯރުވާ މަންޒަރު ކަމަށް ޣައްސާން ވިދާޅުވިއެވެ.
އެމްޑީޕީ ވެރިކަމަށް އަންނަ ކޮންމެ ފަހަރަކު ރާއްޖޭގެ އިގްތިސޯދު ފުނޑު ފުނޑުވެ، އިސްލާމް ދީނަށް ފުރައްސާރަކޮށް ޝަރުއީ ނިޒާމަށް ހަމަލާދެމުން ދަނީ މުޅި އޮޑީގައި ހަސަނުގެ ދެފައި އޮންނަ އުސޫލުން ކަންކަން ކުރަމުންދާތީ ކަމަށް ޣައްސާން ވިދާޅުވިއެވެ.
"އެގޮތަށް ކަންކަން ކުރާ ނަމަ ދައުލަތް އޮންނާނީ އޮޅުސުވާލިވެ، އޮޅުން ބޮޅުން ވެފައި އޮންނަ ކަންވާރެއްހެން. މިއަދު ފެންމުން މިދަނީ އެ މަންޒަރު، ވަރަށް ސަރީހަ ނިޒާމަކުން ވަކިވެފައިވާ ތިން ބާރު ވަކި ބޭފުޅެއްގެ އަތްޕުޅަށް ނަގަން މަސައްކަތް ކުރުމުން ވާނެ ގޮތް މިއަދު މިދަނީ ފެންނަމުން" ޣައްސާން ވިދާޅުވިއެވެ.
ޣައްސާން އިތުރަށް ވިދާޅުވި މަޖިލީހުގެ ގައުމީ ސަލާމަތާ ބެހޭ ކޮމިޓީއަށް ފުލުހުން ކުރާ މަސައްކަތްތައް ނެގުމަކީ އެމްޑީޕީއަށް ހުރިހާ ބާރެއް ނެގުން ކަމަށާއި އެއީ ދުނިޔެ ގަބޫލުކުރާ ހަމައެއް ނޫން ކަމަށެވެ.
