ކޮވިޑް-19 ގެ ދިރިއުޅުން ދައްކުވައިދޭ ބޮލީވުޑް ފިލްމެއް ހަދަނީ
ކޮވިޑު-19 ގައި އެކި މީހުންގެ ދިރިއުޅުމުގެ ޙާލަތު ދައްކުވައިދޭ ބޮލީވުޑް ފިލްމެއް ތައްޔާރުކޮށް ނެރެން އުޅޭ ކަމަށް ބޮލީވިޑްގެ ކުރީގެ މަޝްހޫރު ފިލްމް ޑައިރެކްޓަރއަނޫބަވް ސިންހާ ބުނެފިއެވެ.
އޭނާ ބުނާގޮތުގައި މިފިލްމު ހަދަން ނިންމާފައި ވަނީ އެހެން 4 ޑައިރެކްޓަރުންނާއި ގުޅިގެންނެވެ. އެ 4 ޑައިރެކްޓަރުންނަކީ ވެސް މީގެ ކުރިން ބޮލީވުޑްގައިމަސްކަތް ކޮށްފައިވާ ޑައިރެކްޓަރުންތަކެއް ކަން ފާހަގަ ކޮށްލެވެއެވެ. އޭނާ ވަނީ މި 4 ޑައިރެކްޓަރުންގެ ނަން ވެސްް ހާމަ ކޮށްފައެވެ.
އެގޮތުން އެ 4 ޑައިރެކްޓަރުންނަކީ ސުދިރު މިޝްރާ، ހަންސަލް މެހެތާ، ކޭތަން މެހެތާ އަދި ސުބާޝް ކަޕޫރެވެ.
މިފިލްމާ ބެހޭ ގޮތުން އިންޑިއާގެ ނޫހެއް ކަމަށްވާ ޓައިމްސް އޮފް އިންޑިއާ އާ ވާހަކަ ދައްކަމުން އަނޫބަވް ސިންހާ ބުނެފައިވަނީ މި ފިލްމަކީ އޭނާގެ އެކުވެރި އަދި މިފިލްމުގެ ޑައިރެކްޓަރެއް ކަމަށްވާ ސުދިރު މިޝްރާ ގެ ޑުރައިވަރަށް ކޮވިޑް-19 ޖެހި އެއްވެސް ހޮސްޕިޓަލަކުން އެނދެއް ނުލިބި ދަތި ޙާލުގައި އުޅެން ޖެހުމުންހަދަން ހިޔާލު ކުރި ފިލްްމެއް ކަމަށެވެ.
އަދި ހަމައެހެންމެ ކޮވިޑު-19 ގެ ބަލިމަޑުކަމުގެ ތެރޭގައި ހިތާމަވެރި އެތައް ހާދިސާ ތަކެއް އެކި އެކި މީހުންނަށް ކުރިމަތިވެފައިވާ ކަމަށާއި އެމީހުންގެ ދިރިއުޅުމުގެހާލަތު ފިލްމެއްގެ ސިފައިގައި ދައްކާލަން ބޭނުންވާ ކަމަށް އޭނާ ބުންޏެވެ. އެގޮތުން ކޮވިޑް-19ގެ ތެރޭގައި ބޮލީވުޑްގެ މަޝްހޫރު ފިލްމީ ތަރި އިިރުފާން ޚާންނިޔާވުމުން އޭނާގެ ޖަނާޒާގައި ވެސް ގިނަ ބަޔަކަށް ބައިވެރި ނުވެވުނު ކަމަށް އޭނަަ ބުންޏެވެ. ނަމަވެސް އިރުފާނަކީ އޭނާގެ ވަރަށް ގާތް ރަހުމަތްތެރިއެއްކަމުން އޭނާ އެ ޖަނާޒާގައި ބައިވެރިވި ކަމަށްވެސް އޭނާ ބުންޏެވެ.
މީނާ ހަދާފައިވާ ފިލްމުތަކުގެ ތެރޭގައި “އާރޓިކަލް 15”، “މުލްކު” އަދި “ގުލާބް ގޭންގް” ފަދަ ފިލްމުތައް ހިމެނެއެވެ. އަދި ހަމަ އެހެންމެ މި ފިލްމަކީ ވެސްހިތްގައިމު ފިލްމަކަށް ވާނެ ކަމަށް ލަފާ ކުރެވެއެވެ.
