އެނގޭތަ؟ ދިޕިކާ އާއި ގުޅުން ކަނޑާލެވުނީތީ ރަންބީރް ވެސް ދެރަވި!
ބޮލީވުޑްގެ އެކްޓަރުން ކަމުގައިވާ ދިޕިކާ ޕަދުކޯން އާއި ރަންބީރް ކަޕޫރު ލޯބީގެ ގޮތުން ކުރިން ގުޅިގެން އުޅުންކަން އެންމެންނަށް ވެސް އެނގެއެވެ.
ގިނަ ދުވަހު އެކުގައި އުޅުމަށްފަހު ދެމީހުން ވަކިވީ ޖެހުނު މައްސަލަތަކަކަށް ފަހުގައެވެ.
ލޯބީގެ ގުޅުން ކެނޑުމުން އޭގެ އަސަރު ދިޕިކާއަށް ވަރަށް ބޮޑަށް ކުރިކަން އެންމެންނަަށް ވެސް ކުރިން ވަނީ ހާމަވެފައެވެ.
ނަމަވެސް އެކަކަށްވެސް ނޭނގުނު ކަމަކީ އެގުޅުން ކެނޑުނީތީ ހިތާމަކުރީ ހަމައެކަނި ދިޕިކާ ނޫން ކަމާއި ޚުދު ރަންބީރު ވެސް އެކަމާއި ހިތާމަ ކުރި ކަމެވެ.
ރަންބީރް ވަނީ އިންޑިއާގެ މީޑިއާއަކަށް އެކަމާއި ގުޅޭގޮތުން މައުލޫމާތު ދީފައެވެ. ދިޕިކާގެ ނަން ނުކިޔާ ރަންބީރު ބުނީ މަޝްހޫރު އެކްޓްރެސަކާއިއެކު ކުރިން ލޯބީގެ ގޮތުން ގުޅިގެން އުޅުން ކަމަށާއި އެގުޅުން ވަރަށް ސީރިއަސް ވެސްވި ކަމަށެވެ. ނަމަވެސް ފަހުން ރަންބީރު އެހެން އެކްޓްރެސުންނާއި މާގާތްވުމުން މައްސަލަތަކެއް ޖެހިގެން ދެމީހުން ވަކިވާން ޖެހުނީ ކަމަށް ވެސް ބުންޏެވެ.
އެދެމީހުން ވެސް އެކަމަކު އޭގެ އެއްވެސް ރުޅިވެރިކަމެއް ނުބާއްވާ ކަމަށާއި ނަމަވެސް އެއިރު އެހެން ނުހެދުނު ނަމައޭ، ގުޅުން ކެނޑުނު ދުވަސްކޮޅު ހިތަށް އެރިކަމަށް ވެސް ރަންބީރު ބުނެފައިވެއެވެ.
ދިޕިކާ މިހާރު އުޅެނީ އެކްޓަރ ރަންވީރް ސިންގާއި ކައިވެނި ކޮށްގެނެވެ. ރަންބީރު އުޅެނީ އާލިއާ ބަޓް އާއި ލޯބީގެ ގޮތުން ގުޅިގެން ކަމަށް ވެސް އަޑުއަރާފައިވެއެވެ.
