ކާޑު ބަސްތާތަކެއް ވެއްޓި ތިން މީހަކަށް އަނިޔާވެއްޖެ

ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ ހުޅުމާލެ ކާޑު ގުދަނުގައި ހުރި ބަސްތާތަކެއް ވެއްޓި، 3 މީހަކަށް އަނިޔާ ވެއްޖެއެވެ.

Ads by STELCO

އޮންލައިން ނޫހެއް ކަމަށްވާ "ޖަޒީރާ" އިން ރިޕޯޓްކޮށްފައިވާ ގޮތުގައި ހުޅުމާލޭ ކާޑު ގުދަނުގައި ހުރި ބަސްތާތަކެއް ވެއްޓިގެން 3 މީހަކަށް އަނިޔާވެފައިވާކަން އެސްޓީއޯގެ ކޮމިއުނިކޭޝަން ޑިރެކްޓަރު އަބްދުﷲ މުހައްމަދު (އަބޯ) ވަނީ ކަށަވަރު ކޮށްދެއްވާފައެވެ.

އެ ނޫހުން އިތުރަށް ބުނެފައިވަނީ މި ހާދިސާގައި އަނިޔާވި މީހުންގެ ތެރެއިން އެކެއްގެ ހާލު ސީރިޔަސް ކަމަށެވެ. އަދި އަނިޔާ ލިބުނު ތިން މީހުންނަށް ވެސް ހުޅުމާލޭ ހޮސްޕިޓަލުގައި ފަރުވާ ދެމުން އަންނަ ކަމަށް ވެސް އެ ނޫހުން ބުނެފައިވެއެވެ.