ބޮން ގޮއްވި މީހުންނަށް މަޢުލޫމާތު ދިނީ "މިހާރު" ނޫހަށް މަޢުލޫމާތު ދިން ފަރާތުން ކަމަށް ޝައްކު ކުރެވޭ: އިންތި
މި މަހުގެ ހަ ވަނަ ދުވަހުގެ ރޭ ރައްޔިތުން މަޖިލީހުގެ ރައީސް މުހައްމަދު ނަޝީދަށް ދިން ހަމަލައިގައި ބޮން ގޮއްވާލި މީހުންނަށް މަޢުލޫމާތު ދިނީ، "މިހާރު" ނޫހުން ޝާއިރު ކުރި ޚަބަރަށް މަޢުލޫމާތު ދިން ފަރާތުން ކަމަށް ޝައްކު ކުރެވޭ ކަމަށް މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
އިންތި މިހެން ވިދާޅުވެފައި ވަނީ، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުއަށް ހިމާޔަތާއި ރައްކާތެރިކަން ފޯރުކޮށް ދިނުމުގެ ތެރޭގައި ތަފްސީލީ މަޢުލޫމާތު ހާމަކުރި ކަމަށް ބުނާ މައްސަލައިގައި މިއަދު ވާހަކަފުޅު ދައްކަމުންނެވެ.
"ކެނެރީގޭގައި ސެކިއުރިޓީ ނުދެވޭނެ ކަމާއި ނުރައްކާ އޮތްކަން ނަޝީދަށް އެމްއެންޑީއެފުން އެންގި" މި ސުރުހީގެ ދަށުން އޮންލައިން ނޫހެއް ކަމަށްވާ "މިހާރު" ގައި ޝާއިއުކުރި ރިޕޯޓްގައި ހުރި މައުލޫމާތުތަކަކީ ނަޝީދާއި އޭނާގެ އާއިލާގެ ހިމާޔަތާއި ރައްކާތެރިން ގެއްލިގެންދާނެ ފަދަ މައުލޫމާތުތަކެއް ކަމަށް ފެންނާތީ އެމައްސަލަ މަޖިލީހުގެ ގައުމީ ސަލާމަތާ ބެހޭ ކޮމިޓީންވަނީ ބަލަން ފަށައިފައެވެ.
އޮންލައިންކޮށް ބޭއްވި މަޖިލީހުގެ މިއަދުގެ ޖަލްސާގައި އިންތި ވަނީ ނޫހަށް މަޢުލޫމާތު ދިން ފަރާތްތަކުގެ ބޮލުގައި ބޮޑެތި އިލްޒާމްތަކެއް އަޅުވައިފައެވެ.އޭނާ ވިދާޅުވެފައި ވަނީ ނޫޙުގައި ޝާއިއު ކޮށްފައިވާ ޚަބަރުގައި މަޢުލޫމާތު ދީފައިވަނީ ފޮރުވިގެން 'ބޮދާ' ތިބެ ކަމަށެވެ. އަދި އެފަރާތްތަކަކީ، ނަޝީދަށް ހަމަލާދިން ފަރާތްތަކަށް މަޢުލޫމާތު ދިން މީހުން ކަމަށް ޝައްކު ކުރެވޭ ކަމަށް ވެސް އިންތި ވިދާޅުވިއެވެ.
"މިއީ ގުޅިގެން އެތެރެއިން ހިންގި ޕްރޮޕެގެންޑާއެއްގެ ގޮތުގައި އަޅުގަނޑަށް ފާހަގަ ވަނީ. މިގޮތަށް މި މަޢުލޫމާތު މީޑިއާއަށް ދީފައިވާއިރުގައި އަޅުގަނޑަށް ވަރަށް ޝައްކު ކުރެވޭ ހިސާބަށް އެބަދޭ އަނެއްކާ ބޮން ގޮއްވާ ރައީސް ނަޝީދު އަވަހާރަކޮށްލުމަށް އެ ރޭވި މީހުންނަށް މަޢުލޫމާތު ދިނުމުގައި އަޑީގައި ތިބީ މިދެންނެވި ސެކިއުރިޓީ ބްރީޗް ކުރި ފަރާތުން ނޫންބާވައޭ. އެ ތަހުގީގުވެސް 241 ކޮމިޓީން ހިންގަން ޖެހޭނެ ކަަމަށް ޤަބޫލު ކުރަން" އިންތި ވިދާޅުވިއެވެ.
މީގެ އިތުރުން މިމައްސަލައިގައި ޤައުމީ ދިފާޢީ ބާރުން ވަކި އެއްޗެއް ހާމަކޮށްފައިނުވާތީ، އެކަމާ ކަންބޮޑުވުންފާޅުކޮށް ވިދާޅުވީ، މިގޮތަށް ކަންކުރުމުން، މަޢުލޫމާތު ދިން ފަރާތަކީ ޤައުމީ ދިފާޢީ ބާރުކަމާ މެދު އިޢުތިރާފް ވެވޭ ކަމަށެވެ.
"ނޫޙުގައި މިވާހަކަތައް ޖަހާ، އަދި އެމަނިކުފާނު ހިމެނިވަޑައިގަންވާ ޕާޓީން މިކަމާމެދު ކަންބޮޑުވެ، ނޫސްބަޔާން ނެރެ، މި ހުރިހާ ކަމެއްކޮށްފައިވާއިރުގަ، ސަލާމަތީ ޚިދުމަތްތަކުން މިކަމާ މެދުގައި އެއްވެސް ރިއެކްޓެއް ނުކޮށް ހުރުމަކީ ވަރަށް ނުރަނގަޅު މެސެޖެއް އެބަދޭ." އިންތި ވިދާޅުވިއެވެ.
މީގެ އިތުރުން ޤައުމީ ދިފާޢީ ބާރަށް ވަރަށް ބޮޑަށް ފާޑު ވިދާޅުވަމުން ވިދާޅުވީ، ރައީސް ނަޝީދަށް ސެކިއުރިޓީ ދެއްވުމުގެ ބަދަލުގައި އެމަނިކުފާނަށް ފާރަލަމުން ގެންދާކަމަށް ލަފާ ކުރެވޭ ކަމަށާއި ރައީސް ނަޝީދަށް ދިމާވި ކަންކަން ހިނގާފައި ވަނީ ސެކިއުރިޓީ ނުދެވި ފާރުލުމުން ކަމަށް އެމަނިކުފާނު ވިދާޅުވިއެވެ. އަދި މިވަގުތަކީ ހެވިފައި ތިބެވޭ ވަރަށް ވުރެ ނުރައްކާތެރި ވަގުތެއް ކަމަށާއި ރައީސް ނަޝީދުގެ ސެކިއުރިޓީގެ މަޢުލޫމާތު ހާމަކުރުމަކީ މިއަދު ދިމާވެފައިވާ އެންމެ ބޮޑު މައްސަލަކަމަށް އިންތި އިޝާރާތް ކުރެއްވިއެވެ.
މިވާހަކަތައް ނޫޙުގައި ޖެހުމުގެ މަޤްސަދަކީ ކޮބައިތޯ އިންތި ވަނީ ސުވާލު އުފައްދަވައިފައެވެ. އަދި މައުލޫމާތު ދޭން ނުޖެހޭ ފަރާތަކުން ދިން މައުލޫމާތެއް ޚަބަރުގައި ޖެހުމުން އެއީ އަނިޔާ ލިބިވަޑައިގެންވާ ރައީސް ނަޝީދަށް ދެވުނު އިތުރު އަނިޔާއެއްގެ ގޮތުގައި އިންތި ފާހަގަ ކުރެއްވިއެވެ. އަދި ރައީސް ނަޝީދަށް ހަމަލާދެވުނު ގޮތަށް ރިއާޔަތް ނުކޮށް ރައީސް ނަޝީދުގެ އެ ހާލަތުގައި ވަނިކޮށް، ސެކިއުރިޓީ ބްރީޗް ކުރި ފަރާތަކީ 'ހީރޯ'އެއް ކަމަށް ސިފަކޮށް ނޫހުން ލިޔުން ޝާއިއު ކޮށްފައިވާ ކަމަށްވެސް އިންތި ވިދާޅުވިއެވެ،
"ސެކިއުރިޓީގެ މަޢުލޫމާތު ނުދެވޭނެ ފަރާތަކުން ދިން މައުލޫމާތު ތަކެއް މި ޖެހީ. ޖެހުމުގެ ސަބަބުން ޕްރޮޕެގެންޑާ އަކަށް ވެގެންދަނީ." އިންތި ވިދާޅުވީ، މިކަން ޕްރޮޕެގެންޑާއަކަށް ވެގެންދަނީ ޚަބަރުގައި ނަޝީދުގެ ޢާއިލާގެ ނުވަތަ ނަޝީދުގެ ބަހެއް ހިމަނާފައި ނެތުމުން ކަމަށެވެ.
މި މީހުން ނޫން ރަގަޅު އެއްވެސް ބަޔަކުނެތް. ވަކިމީހަކު ކުރިބޯށީގަ ބަހައްޓަން ހަދައިގެން އެމްޑީޕީގެ މަގުބޫލުކަން ރާއްޖޭގަ ގެއްލިއްޖެ. 2023 ގެ ފަހުން ތި ގުރޫޕްގެ ސިޔާސީ ހަޔާތް ނިމި އެމްޑީޕީގެ ދުވަސް ދިޔުމުގެ ކުރިން ނަޝީދުގެ ކިބައިން ސަލާމަތްވެ ރައްޔިތުންގެ މަގުބޫލުކަން ލިބޭތޯ އުޅޭށެވެ. އަބަދު ސަލާމަތީ ބާރުތަކާ އަޅަގަނެގެން ކާމިޔާބެއް ނުލިބޭނެއެވެ.
ރައީސް ނަޝީދު އެގަޑީގައި ގެއިންބޭރަށް ނިމުމެވަޑައިގަންނަވާނެކަން ބޮންގޮއްވި މީހާއަށް އެނގުނީ ކީއްވެގެންހޭ.. އިންޓެލް މީހުންގެ އަތެއްވާކަމަށް ޔަޤީންވޭ.. ސިފައިންނާއި ފުލުހުންގެ ބަޔަކު ހިމެނިގެން ހިންގި އަނިޔާވެރިކަމެއްކަން ޔަޤީންވެއްޖެ..
ޝައްކާއި ވަހުމްގަ އެންގްރީބާރޑް ތިޔަހަރަ ނިމިދަނީނު. އަޅެ ދެރަވޭ. ދުވަހަކު ހިތަހަމަޖެހުމެއް ނުލިބުނު އޮތަ؟ ލާދީނީ ވީމަ އެހެން ވެޔޯ! މިބުނީ އެންގްރީބާރޑް ލާދީނީ ވެެއްޖެއްޔާ ފިޔަގަނޑު ފިސާރި ބާރަށް ތަޅުވައޭ.
ބަލަ ބުރާންޗާ ކޮންމެ ބަޔަކުވެސް ތިޔަ މައުލޫމާތު ދީ އުޅެނީ ބޮނދާ ތިބެެގެންނޭ.