މާލޭ މަގުތަކުގައި ހުރި ބޭނުންނުކުރާ ވެހިކަލްތައް ނަގަނީ
މާލޭ ސިޓީގެ މަގުތަކުގައި ނުދުއްވާ ގިނަ ދުވަސްވެ ހަލާކުވެފައިވާ ވެހިކަލްތައް ނެގުމުގެ މަސައްކަތް މާދަމާއިން ފެށިގެން ކުރަމުންދާނެކަމަށް މާލޭ ސިޓީ ކައުންސިލުން ހާމަކުރައްވައިފިއެވެ.
ސިޓީ ކައުންސިލުން ނެރެފައިވާ އިޢުލާނެއްގައި ވިދާޅުވީ، މާލޭގެ މަގުތަކުގައި ހުރި ނުދުއްވާ ގިނަ ދުވަސްވެ، ހަލާކުވެފައިވާ އުޅަނދުފަހަރުތައް ނުނަގާ ނަމަ "އެއްގަމު އުޅަނދު ޕާކު ކުރުމުގެ ގަވައިދު"ގެ 6 ވަނަ ނަމްބަރުގެ ދަށުން ނަގައި ނައްތައިލެވޭނެކަމަށެވެ.
އަދި މާލޭ ސިޓީގެ މަގުމަތީގައި ހިނގާބިނގާވެ އުޅޭ ފަރާތްތަކާއި، ވެހިކަލް ދުއްވާ ފަރާތްތަކަށް ދަތިވާގޮތަށް ބަހައްޓައިފައި ހުންނަ އެއްގަމު އުޅަނދު ފަހަރާއި، ހަލާކުވެ، ނުދުއްވާ ހުންނަތާ ގިނަ ދުވަސްވެފައިވާ އުޅަނދު ފަހަރު ފުލުހުންނާ ގުޅިގެން މިމަހުގެ 2އިން ފެށިގެން ނަގަމުން ގެންދާނެކަމަށެވެ.
ސިޓީ ކައުންސިލުން ވިދާޅުވީ އެއްގަމު އުޅަނދު ނެގުމުގެ ތެރޭގައާއި ނެގުމަށް ފަހު އުޅަނދާއި ތަކެއްޗަށް ލިބޭ ގެއްލުމާއި އުނިއިތުރަށް ކައުންސިލުން ޒިންމާ ނުވާނެ ކަމަށެވެ.
މަގުމަތީގައި މިގޮތަށް ބަހައްޓައިފައި ހުރި އެއްގަމު އުޅަނދު ފަހަރު (ވެހިކަލް) ނަންގަވައި މަގުމަތި ސާފުކުރެއްވުމަށް ސިޓީ ކައުންސިލުން ވަނީ އަންގަވައިފައެވެ.
Ads by STO
