ދެ ބިދޭސީއެއްގެ މެދުގައި މާރާމާރީއެއް ހިނގައިފި

އިންޑިއާއަށް ނިސްބަތްވާ ދެ މީހުންގެ މެދުގައި މިއަދު މާރާމާރީއެއް ހިނގައިފިއެވެ.

Ads by Sosun Fihaara

ފުލުހުން ބުނީ މި މާރާމާރީ ހިނގީ މިއަދު ހެނދުނު 11:26 އެހާކަށްހާއިރު މާފަންނުގައި ކަމަށެވެ. މި މާރާމާރީ ހިނގާފައި ވަނީ އިންޑިއާއަށް ނިސްބަތްވާ ދެ ފިރިހެނުންގެ މެދުގައެވެ.

ފުލުހުން ބުނީ މާރާމާރީގައި ދެމީހުންނަށްވެސް ތޫނު އެއްޗަކުން ހަމަލާދީފައިވާ ކަމަށާއި ދެމީހުންވެސް ޒަހަމްވެފައިވާ ކަމަށެވެ. އަދި ބުނީ އެ ދެ މީހުންނަށް ހޮސްޕިޓަލުގައި ފަރުވާ ދެމުން އަންނަ ކަމަށެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.