ވަރަށް ގިނައިން އުކުނޑި ކޮއްޓާތަ؟ މި ކަންތައްތައް ކުރުމުން ހުއްޓުވޭ
އުކުނޑި ކޮއްޓުމަކީ އެކި ސަބަބުތަކާ ހުރެ ދިމާވާ ކަމެކެވެ. މިކަން އެންމެ ބޮޑަށް ދިމާވާ ސަބަބަކީ ހަށިގަނޑުގައި އޮކްސިޖަން ލެވެލް ދަށްވުން ކަމަށް ސިއްހީ މާހިރުން ބުނެއެވެ. ކާބޯތަކެތި އަވަހަށް ކެއުމާއި، ކާބޮނޭޓެޑް ފެން ބުއިމާއި، ކުޅިއެއްޗެހި ކެއުމާއި، އަދި ޑިޕްރެޝަންއަށް ގޮސްފައިވުމަކީ އުކުނޑި ކޮއްޓުމަށް ދިމާވާ ބައެއް ސަބަބުތަކެވެ.
އުކުނޑި ކޮއްޓުމަކީ ކުއްލިއަކަށް ދިމާވާ ކަމެކެވެ. އަދި ބައެއް ފަހަރު ގިނައިރު ވަންދެން ރަނގަޅު ވެސް ނުވާ ކަމެކެވެ. އާންމުކޮށް އުކުނޑި ކޮއްޓަނީ ކާވަގުތުގައެވެ. ފެން ބުއިމާއި ދިގު ނޭވާތަކެއް ލުމަށް ފަހު ވެސް ބައެއްފަހަރު ރަނގަޅު ނުވެއެވެ. މި ހިމަނައިލަނީ އުކުނޑި ކޮއްޓުން ހުއްޓުވަން ގޭގައި ކުރެވިދާނެ ބައެއް ކަންކަމެވެ.
ފެން ބުއިން
އުކުނޑި ކޮއްޓުން ރަނގަޅު ކުރުމުގައި އެންމެ ފަސޭހަ އެއް ހޯމް ރެމެޑީއަކީ ގިނަ ގިނައިން ފެން ބުއިމެވެ. ބައެއް މީހުން ފިނިފެން ބުއިމުން ރަނގަޅުވާއިރު، ބައެއް މީހުންނަށް ހޫނު ފެން ބުއިމުން ފަސޭހަވެއެވެ.
ދޫ ބޭރުކުރުން
ފެން ބުއިމަށް ފަހު އުކުނޑި ކޮއްޓުން ނުހުއްޓޭ ނަމަ، ދޫ ބޭރަށް ނެރޭށެވެ. މިކަމުގެ ސަބަބުން ކަރުގެ މަސްތަކުގައި ޕްރެޝަރު އުފެދި، އުކުނޑި ކޮއްޓުން ހުއްޓުވައިދެއެވެ.
ކަރު މަސާޖުކުރުން
ކައިރީގައި މީހަކު ހުރި ނަމަ ކަރު މަސާޖުކުރުމަށް އެދޭށެވެ. މިކަމުގެ ސަބަބުން ކަރުގެ ލޭ ދައުރުވުން އިތުރުކޮށްދީ، އޮކްސިޖަން ލެވެލް މަތިކުރުމަށް އެހީތެރިވެދެއެވެ. މީގެ ސަބަބުން އުކުނޑި ކޮއްޓުން ހުއްޓުމަށް އެހީތެރިވެދެއެވެ
ބަޓަރު ކެއުން
އެހެން ފަރުވާތައް މަސައްކަތް ނުކުރާ ނަމަ 1 ސަމުސާ ބަޓަރު ކާށެވެ. އެއް ސަމުސާ ހަކުރު ކެއުމަކީ ވެސް އުކުނޑި ކޮއްޓުން ހުއްޓުވުމަށް އެހީތެރިވެދޭ ކަމެކެވެ. ސަބަބަކީ ފެޓަކީ އުކުނޑި ކޮއްޓުން ހުއްޓުވުމަށް އެހީތެރިވެދޭ މާއްދާއަކަށް ވާތީއެވެ.
Ads by STO
